Vinfrid Şefer: «Kiminsə məni əvəzləyəcəyi vecimə deyil»

Vinfrid Şefer: «Kiminsə məni əvəzləyəcəyi vecimə deyil»
ÖLKƏ FUTBOLU 6 Yanvar 2011 / 10:47 2621
-  A +

«Bakı»nın almanyialı baş məşqçisi Vinfrid Şefer komandadan vaxtından əvvəl istefaya göndəriləcəyi ilə bağlı klub rəsmilərinin açıqlamalarına münasibət bildirib. Qol.Az-ın məlumatına görə, «Futbol+» qəzetinə müsahibədə Şefer deyib ki, hazırda o ailəsiylə birgə İsveçrədə istirahətdədir. Onunla görüşmək üçün «Bakı»nın vitse-prezidenti Zeynal Məmmədovun Almaniyaya getməsilə bağlı xəbərlərə toxunan Şefer «Zeynal Məmmədovun harda olduğunu bilmirəm» deyib. «Almaniyadan kənarda istirahət etməyimdə əsas məqsəd dincəlmək həvəsimdir. Axı, qarşıda bizi gərgin oyunlar gözləyir. Hazırkı komandamla müqaviləm davam etməkdədir. İnanıram ki, «Bakı» altılığa vəsiqə qazanmaqla sonra ilk «üçlük»də yer alacaq. Ən pis halda isə kuboka sahib çıxacağıq. Kiminsə məni əvəzləyəcəyi vecimə deyil. Mən bu haqda, ümumiyyətlə, düşünmürəm. Həmin məşqçi Bakıya hansı məqsədlə gəlibsə, işi uğurlu olsun. Mən bir şeyi bilirəm ki, rəhbərliyin qarşıma qoyduğu hədəfə çatmaq üçün çalışıram» - deyə o bildirib.
Qeyd edək ki, dünən «Bakı» klubunun rəhbərliyi uğursuz oyunlar keçirən Şeferi istefaya göndərmək, onun əvəzinə latviyalı Aleksanrd Starkovu komandaya baş məşqçi vəzifəsinə gətirmək niyyətini açıqlayıb.

Daha çox


Son xəbərlər
15.12.25  10:51

Zubirin yubiley oyunu