"Ferentsvaroş" sabahkı oyuna itki ilə çıxacaq

"Ferentsvaroş" sabahkı oyuna itki ilə çıxacaq
XƏBƏR 8 Avqust 2022 / 17:04 6241
-  A +

"Ferentsvaroş" (Macarıstan) Çempionlar Liqasının 3-cü təsnifat mərhələsində "Qarabağ"la ev oyununa da itki ilə çıxacaq. 

Qol.az xəbər verir ki, bu barədə komandanın baş məşqçisi Stanislav Çerçesov matçdan əvvəl təşkil olunan mətbuat konfransında danışıb. O, ilk görüşdə də iştirak etməyən 27 yaşlı müdafiəçi Henri Vinqonun hələ də meydana çıxmağa hazır olmadığını deyib:

"Ümid edirəm ki, növbəti çempionat oyunu üçün hazır olacaq. Rayan Mmae də səfər matçından əvvəl siyahıda idi. Amma pandemiya ilə bağlı Azərbaycana giriş qaydalarına görə bizimlə ilk oyuna gələ bilmədi. Sabah ehtiyat oyunçular skamyasında olacaq və inanıram ki, bizə kömək edə biləcək. Mats Knuster komanda ilə ilk dəfə bazar günü məşq edib. Onun da vəziyyət Mmae ilə oxşardır".

Qeyd edək ki, sabah keçiriləcək "Ferentsvaroş" – "Qarabağ" görüşü Bakı vaxtı ilə saat 22:00-da başlayacaq. Bu komandalar arasında Bakıdakı ilk oyunda qalib müəyyənləşməyib – 1:1.

Daha çox


Son xəbərlər
01.10.22  18:16

Tovuzda 4 qol - Video