11:15
Unibank Premyer Liqasının bu gün «Neftçi»yə qarşı keçirilən oyununu izləyənlər arasında «Bakı» klubunun prezidenti Hafiz Məmmədov da olub. Komandasının 2:0 hesablı qələbəsilə bitən matçdan sonra H.Məmmədov Qol.Az saytına eksklüziv açıqlama verib. Bu mövsüm «Bakı»nın bir sıra oyunlarda uğursuz nəticələr göstərdiyini deyən Hafiz Məmmədov bu gün lider «Neftçi» üzərində qazanılan qələbədən məmnun qaldığını deyib: «Komandamı və azarkeşlərimizi təbrik edirəm. Hesab edirəm ki, bu gün «Bakı» öz adına layiq olan oyunu nümayiş etdirdi. Buna görə də həm nəticədən, həm də oyundan razı qaldım».
Qeyd edək ki, hazırda turnir cədvəlində yeddinci pillədə olan «Bakı»nı ilk altılığa düşmək üçün dalbadal ağır oyunlar gözləyir. Komanda qarşıdakı iki turda əvvəl öz meydanında «İnter»i qəbul edəcək, növbəti turda isə «Qəbələ»nin qonağı olacaq. Həmin oyunlarla bağlı Qol.Az-ın sualını cavablandıran H.Məmmədov bunları deyib: «Əgər komandamız bugünkü kimi oynasa, həm «İnter»i, həm də «Qəbələ»ni məğlub edə biləcək. Əsas odur ki, indi futbolçular və məşqçi heyəti arasında əhval-ruhiyyə düzəlib».
H.Məmmədov «Bakı»nın ilk altılığa düşmək şansının qaldığını da bildirib. Klub prezidenti bir daha təkrar edib ki, əgər «Bakı» bugünkü oyunu növbəti qarşılaşmalarda da təkrarlayacağı və qələbə qazanacağı təqdirdə, o zaman «ilk altılıq»da yerini təmin edəcək.
H.Məmmədov eyni zamanda komandasının Azərbaycan kubokunu qazanmaq üçün sona qədər mübarizə aparacağını bildirib.
Klub prezidenti «Bakı»nın baş məşqçisi Vinfred Şeferin istefaya göndəriləcəyi ilə bağlı son vaxtlar mediada və futbol dairələrində dolaşan fikirlərə də münasibətini açıqlayıb. «Şeferin istefası məsələsi gündəmdə deyil. Biz birlikdə buraxılan səhvləri müzakirə edirik. Dünən də onunla söhbətimiz oldu. Bu söhbətimizin nəticəsini də «Neftçi»yə qarşı oyunda gördünüz» - deyə klub prezidenti bildirib.
Hafiz Məmmədov Vinfred Şeferin ən azı bu mövsümün sonuna qədər «Bakı»da qalacağını bəyan edib.
"Bayer"də ciddi itki
Azərbaycan güləşçisindən bürünc medal - Dünya çempionatı
Sergey Milinkoviçlə müqavilə imzalandı
"Qəbələ" və "Zirə"nin əvəzedicilərindən böyükhesablı qələbə
De Brüyne "Qarabağ"a qarşı oynamayacaq
London klubu Kante ilə yeni müqavilə imzaladı
"Qızlar xarakter göstərdilər" - Siyasət Əsgərov
İqor Tudor “Yuventus”dan qovuldu
U-17 millimiz rəqibinə böyük hesabla məğlub oldu
Azərbaycan millisi Qazaxıstana yenə qalib gəldi
Vinisiusdan Yamala sərt sözlər
Azərbaycanda UEFA Pro kursunun IV mərhələsi başladı
Türkiyə klublarının Avropa qazancı
Kovaçiç “Mançester Siti”dən ayrılır?
Alvaro Karreras Yamalın driblinqinə münasibət bildirdi
İqor Tudorun “Yuventus”dakı gələcəyi sual altındadır
Azərbaycan kubokunun adı dəyişdirildi
100-cü oyun
Qvardiola: “Bu məğlubiyyət bizi daha da gücləndirəcək”
Azərbaycan kubokunda buhəftəki oyunların hakimləri açıqlandı
"Azərbaycanda oynayıramsa, "Qarabağ"ın uğuruna sevinməliyəm" - Portuqaliyalı legioner
"Qəbələ"nin 200-cü məğlubiyyəti
"Kəpəz"in uğursuzluq yubileyi
