03.02.26
“Qarabağ”ın albaniyalı müdafiəçisi Ansi Aqolinin Qol.Az saytına müsahibəsi
- “Qarabağ”ın son turda AZAL-a məğlubiyyətini nə ilə əlaqələndirərdin?
- Çox gərgin oyun oldu. Biz daha çox hücum etsək də, hesabı rəqib açdı. Bu isə onlara əlavə güc verdi və rəqib növbəti dəfə fərqlənərək oyundan qalib ayrıldı. Əlbəttə, futbolda belə şeylər də olur. Burada hər bir rəqibə hörmətlə yanaşmaq lazımdır.
- Növbəti turda “Qarabağ” Premyer Liqanın lideri “Neftçi” ilə qarşılaşacaq. Bu oyun haqda nə düşünürsən?
- Bu matça xüsusi hazırlaşırıq. Çünki rəqib çox güclüdür. Çətin oyun olacağını indidən söyləmək olar. Bununla belə, biz heç bir rəqibdən çəkinmirik. “Neftçi”yə qarşı da öz oyunumuzu oynamaqla müvəffəqiyyət qazanmaq istəyirik. İnanıram ki, bu oyunda uğur məhz “Qarabağ”ın tərəfində olacaq.
- Komanda son zamanlar yersiz xallar itirir. «Qarabağ »ın uğur qazanmasına nə mane olur?
- Premyer Liqada bütün klublar oyundan-oyuna artırır. Ona görə də, bu yarışda stabil mübarizə aparmaq müəyyən çətinlik yaradır. Lakin komanda daxilində hər şey qaydasındadır. Heç bir problem yoxdur. Artıq zədəli futbolçuların da yenidən heyətə qayıtması bizi çox sevindirir. Bu isə növbəti oyunlarda bizim lehimizə işləyəcək.
- “Qarabağ”ın aparıcı müdafiəçisi olan Rəşad Sadıqov komandanı tərk etdikdən sonra müdafiədə ciddi boşluqlar yarandı.
- Təbii ki, əvəzedilməz futbolçu yoxdur. Lakin Rəşad həqiqətən də Azərbaycanın ən istedadlı futbolçusudur. Onun mövqeyində çıxış etmək bir qədər məsuliyyət tələb edir. Bununla belə, hər bir futbolçu öz mövqeyində maksimum çıxış etmək istəyir. Düşünürəm ki, “Qarabağ” da bu sahədə heç bir problem yoxdur. Bütün futbolçularımız meydanda var qüvvəsi ilə çıxış edir.
- Hansı klubu “Qarabağ”a əsas rəqib görürsən?
- Hazırda bütün klublar bizim üçün güclü rəqib sayılmalıdır. Çünki istənilən rəqibə hörmətlə yanaşmadıqda, bu komandaya baha başa gəlir. Ümumilikdə isə “Neftçi”, “Xəzər Lənkəran”, “İnter” və digər klublar bizdən üst pillədə qərarlaşdıqları üçün onlar hazırda bizim əsas rəqiblərimizdir. Lakin biz də özümüzə güvənirik.
- Azərbaycan milli komandası haqqında nə deyə bilərsən?
- Oyunları izləmişəm. Milliniz Almaniya, Avstriyaya məğlub olmasına baxmayaraq, Türkiyəyə qarşı çox əzmkar futbol oynadılar. Həqiqətən də milliniz bu qələbəyə layiq idi. Bu əzmkarlığı digər oyunlarda da göstərsələr, komandanız qrupda autsayder mövqeyindən çıxaraq daha üst pillərə yüksələ bilər.
“Turan Tovuz” 30-cu oldu
Nəriman Axundzadənin ABŞ klubuna transferi rəsmiləşdi
Eminin "Neftçi"yə qələbə qazandıran qolu - Video
Laportanı fırıldaqçılıqda ittiham etdi
"Desələr “Qarabağ”la oynayın, oynayacağıq" - Yuri Vernidub
Qvardiola onu ən yaxşı baş məşqçi adlandırdı
“Neftçi” "Qəbələ"yə, "Qarabağ" "Şamaxı"ya qalib gəldi
"Karyeramın ən ağır mövsümü ilə üz-üzəyəm"
Karvaxal "Real"dan gedir?
"Turan Tovuz"dan yeni transfer
Ramazan bayramına görə matçların vaxtı dəyişdirildi
"Milan"a keçidi baş tutmayan Mateta əməliyyatdan imtina etdi
Penalti nöqtəsini qazdı, rəqib qol vura bilmədi - Video
"Real" imtina verdi, "Mançester Siti" fürsəti qaçırmadı
"Əl-Nəsr" Ronaldonun tələblərini yerinə yetirməyə başladı
Qurban Qurbanov: “Nəriman özündə deyildi, getməsi lazım idi”
"Neftçi" - "Qəbələ": Heyətlər
