"Marsel" - "Qarabağ" oyunu üçün təhlükəsizlik tədbirləri

"Marsel" - "Qarabağ" oyunu üçün təhlükəsizlik tədbirləri
XƏBƏR 14 Fevral 2022 / 19:59 2989
-  A +

 UEFA Konfrans Liqasının pley-off mərhələsinin Fransada keçiriləcək "Marsel" - "Qarabağ" ilk matçı öncəsi təhlükəsizlik tədbirləri gücləndiriləcək.

Qol.az "Maritima" nəşrinə istinadən xəbər verir ki, oyun zamanı baş verə biləcək insidentlərin qarşısını almaq üçün Ağdam klubunun azarkeşləri üçün  fəaliyyət göstərəcək xüsusi bilet satışı məntəqəsi ciddi mühafizə olunacaq. Həmçinin matçın oynanılacağı "Velodrom" stadionunda yerli və qonaq komandanın fanatları arasında boş tribunalar saxlanılacaq ki, bu da "bufer zona" yaratmaq məqsədi daşıyır.

"Orange-Velodrome" stadionunun üzərində dronların uçuşuna və tərəfdarların priotexniki vasitələrdən istifadəsinə qadağa qoyulub.

Təhlükəsizlik idarəsinin və bir neçə polis bölməsinin əməkdaşları stadionun ətrafında, içərisində və ictimai nəqliyyatda və şəhərin mərkəzində yerləşdiriləcək. Bu addım hər hansı qanunsuz kütləvi toplaşmaların qarşısı almaq və problem yaranarsa, dərhal müdaxilə etmək məqsədi ilə atılıb. Pilotsuz uçuş aparatları ilə ümumi vəziyyətə nəzarət olunacaq.

Eyni zamanda polis stadiona gələnlərdən sağlamlıq öhdəliklərinə ciddi əməl olunmasını tələb edəcək.

Qeyd edək ki, fevralın 17-də keçiriləcək oyun yerli vaxtla saat 21:00-da (Bakı vaxtı ilə saat 00:00) başlayacaq.


Son xəbərlər
topaz banner