11:15
«Neftçi» klubunun Mətbuat və İctimaiyyətlə Əlaqələr Departamenti məşqçiləri Bəxtiyar Musayevlə «Neftçi» - «Gəncə» oyununun fasiləsi zamanı hakim Elçin Məmmədov arasında yaranmış insidentlə bağlı açıqlama yayıb.
AFFA-nın İntizam Komitəsi Bəxtiyar Musayevin həmin matçda hakim Elçin Məmmədov təhqir etdiyini əsas gətirərək gənc məşqçini beş oyunluq cəzalandırıb və klubu beş min manat məbləğində cərimə edib. «Neftçi» klubunun bununla bağlı apelyasiya şikayəti isə təmin olunmayıb.
«Neftçi»nin Mətbuat və İctimaiyyətlə Əlaqələr Departamentinin rəhbəri Elnur Əşrəfoğlu Qol.Az saytına açıqlamasında bildirib ki, uzun illərdir Bəxtiyar Musayevi yaxından tanıyır: «Mən Bəxtiyarın insani keyfiyyətlərinə bələdəm. O, durduğu yerdə kimisə təhqir eləməz. Biz müəyyən araşdırma apardıq və bu qənaətə gəldik ki, hadisənin baş verməsində Elçin Məmmədovun özünün təqsiri olub. Bizim «Gəncə» ilə oyunumuzdan əvvəl Bəxtiyar Musayev Özbəkistana səfərə getmişdi. Həmin matçın fasiləsi zamanı Elçin Məmmədov Bəxtiyar Musayevə xitəban bildirib ki, «Sən gedib Özbəkistanda nə işlərlə məşğul olursan». Bununla Elçin Bəxtiyarı təxribata çəkib. Məşqçimiz isə Elçin «dilinin altında mızıldama» şəklində cavab verib. Elçin bu sözə görə oyunun protokolunda Bəxtiyar Musayevin onu təhqir etdiyini yazıb».
E.Əşrəfoğlu Elçin Məmmədovun həyat yoluna yaxşı bələd olduqlarını bildirib: «Bu adam ömrü boyu təxribatla məşğul olub. Hakimliyə necə gəlib, hansı oyunlardan çıxıb, bunu çox gözəl bilirik. Bizim ağzımızı açdırmasın. Yoxsa, Elçin Məmmədovun öz adını necə dəyişdirdiyini, həbsxanaya necə düşdüyünü və orada nələr etdiyi, təvəllüdünü hansı səbəblərdən altı yaş azaltdığını bir-bir sadalayarıq. Elçin Məmmədov AFFA və PFL-in adına xələl gətirir. Onun AFFA-nın keçmiş rəhbərliyi dövründə nə hoqqalardan çıxdığı, kimlərin səsini gizli şəkildə yazdığını yaxşı bilirik. Odur ki, bir daha təkrar edirəm, bizi danışdırmasın və təxribatlarından əl çəkib hakimliyini etsin».
E.Əşrəfoğlu Bəxtiyar Musayevin cəzalandırılmasıyla bağlı qərar çıxaran AFFA-nın İntizam Komitəsini və onların şikayətini təmin etməyən Apelyasiya və Ekspert Komitəsini də tənqid edib. «Onlar lazımi araşdırma aparmadan belə qərar çıxarıblar. Azərbaycan hakimliyindəki problemlərin 70-80 faizində Elçin Məmmədovun adı hallanır. Nəyə görə hər dəfə klublar cəzalandırılır? Bir araşdırsınlar, görsünlər, Elçin Məmmədovun özünün nə əməlləri var».
E.Əşrəfoğlu AFFA-nın hakimlərin əli ilə «Neftçi»yə kömək etməsi barədə iddialara da toxunub: «Bəs, deyirlər, bizə kömək göstərirlər. Elçin Məmmədovla bağlı son olay adi bir misaldır. Məgər, budur bizə kömək?!»
"Bayer"də ciddi itki
Azərbaycan güləşçisindən bürünc medal - Dünya çempionatı
Sergey Milinkoviçlə müqavilə imzalandı
"Qəbələ" və "Zirə"nin əvəzedicilərindən böyükhesablı qələbə
De Brüyne "Qarabağ"a qarşı oynamayacaq
London klubu Kante ilə yeni müqavilə imzaladı
"Qızlar xarakter göstərdilər" - Siyasət Əsgərov
İqor Tudor “Yuventus”dan qovuldu
U-17 millimiz rəqibinə böyük hesabla məğlub oldu
Azərbaycan millisi Qazaxıstana yenə qalib gəldi
Vinisiusdan Yamala sərt sözlər
Azərbaycanda UEFA Pro kursunun IV mərhələsi başladı
Türkiyə klublarının Avropa qazancı
Kovaçiç “Mançester Siti”dən ayrılır?
Alvaro Karreras Yamalın driblinqinə münasibət bildirdi
İqor Tudorun “Yuventus”dakı gələcəyi sual altındadır
Azərbaycan kubokunun adı dəyişdirildi
100-cü oyun
Qvardiola: “Bu məğlubiyyət bizi daha da gücləndirəcək”
Azərbaycan kubokunda buhəftəki oyunların hakimləri açıqlandı
"Azərbaycanda oynayıramsa, "Qarabağ"ın uğuruna sevinməliyəm" - Portuqaliyalı legioner
"Qəbələ"nin 200-cü məğlubiyyəti
"Kəpəz"in uğursuzluq yubileyi
