"Sabah" klubunun prezidenti Maqsud Adıgözəlovun Qol.az saytına müsahibəsi
- "Sabah"ın bu mövsümkü çıxışını necə dəyərləndirirsiniz?
- Əgər sırf əsas komandanı nəzərdə tutursuzsa, əlbəttə, tam razı deyilik. Mövsümün əvvəlində hədəflərimiz tam başqaydı. Təəssüf ki, buna nail ola bilmədik. Lakin müsbət məqamlar da oldu. Bunlardan biri də komandanın son qarşılaşmalarda öz oyununu tapması idi. Əgər ümumi danışsaq, son mövsümdə bir neçə gənc futbolçunu qazanmağımızı da xüsusi qeyd etmək olar. Veysəl Rzayev, Ceyhun Nuriyev, Rüstəm Samiqullin, Nicat Mehbalıyev, Camal Cəfərov kimi gənclər “Sabah”ın əsas komandasında debüt etdilər. Bu oyunçular hazırda Azərbaycanın U-21 millisinin də üzvləridir. Həmişə demişik, gənc futbolçuları ölkə futboluna qazandırmaq “Sabah” üçün həmişə əsas prioritet olub. Bu istiqamətdə işlərimizi uğurla davam etdiririk. Son mövsümdə sözügedən gənclərin əsas komandada debütü də həm bizim, həm də ölkə futbolu üçün sevindirici məqamlardandır.
- Ramin Quliyevin gəlişindən sonra komandada canlanma hiss olundu. Bu dəyişikliyin gecikdiyini düşünmürsünüz?
- Bəli, komanda Ramin Quliyevin rəhbərliyi altında çempionatın son dövrəsində yaxşı çıxış etdi. O ki qaldı təyinatın gecikməsi məsələsinə, indi bu barədə danışmaq daha rahatdır. Bir neçə uğursuz nəticəyə görə baş məşqçini istefaya göndərmək nə dərəcədə düzgündür? Doğru hesab etdiyimiz vaxtda dəyişikliyə getdik. Ola bilsin, gecikmişik. Lakin bu qərar bir qədər tez verilsəydi belə, heç kim bunun daha yaxşı effekt verəcəyinə təminat verə bilməzdi. İstənilən halda dəyişiklik baş verdi. Fikrimcə, artıq bunu müzakirə etməyin heç bir əhəmiyyəti yoxdur.
- Geridə qoyduğumuz mövsümə nəzər salmısınız. Yəqin ki, araşdırmalar aparılıb. Komandanın üst pillədə qərarlaşa bilməməsinin səbəbini nədə gördünüz?
- Komandanın daha üst pillələrdə qərarlaşa bilməməsində bir neçə faktor rol oynadı. Buna misal olaraq koronavirus pandemiyası, zədələri göstərmək olar. Qeyd etdiyim amillərlə bağlı bir çox oyunda optimal heyətdən istifadə edə bilmədik. Məsələn, mövsümün ilk yarısında zədə səbəbindən əsas heyət üzvlərimizdən olan Bəhlul Mustafazadənin xidmətindən məhrum olduq, eyni səbəbdən Aleksey İsayev komandanın hazırlığına bir qədər gec qoşuldu. Bundan əlavə, mövsümün ilk yarısında komandanın bir neçə üzvü koronavirusa yoluxdu ki, onların sıraya qayıtması da bir qədər vaxt apardı. Düzdür, bizim geniş heyətimiz var. Lakin qeyd etdiyim məsələlər də nəticələrimizə birbaşa təsir etdi. Təəssüf ki, həmin anda Visente Qomes komandanı “qara zolaq”dan çıxara bilmədi. Lakin təkcə baş məşqçini günahlandırmaq olmaz. Komanda uğursuz nəticə qazanırsa, bunda hamının səhvi var. Qeyd etdiyim səbəbləri sadəcə, komandanın çıxışına təsir edən amillər kimi qeyd etdim. Bunlar bəhanə ola bilməz. Şərtlər bütün komandalar üçün eyni idi.
- Növbəti mövsümün hazırlıq planları barədə danışmağınızı istərdik.
- Hazırda növbəti mövsüm üçün hazırlıq planları müzakirə edilir. Dəqiqləşən kimi bu barədə ictimaiyyətə məlumat veriləcək.
- Transferlər barədə nə deyə bilərsiniz? Heyəti gücləndirmək kimi hədəf var?
- Mövsüm başa çatdıqdan sonra bir neçə futbolçu ilə yollarımızı ayırdıq, bir neçə oyunçuyla isə yeni müqavilə bağladıq. Artıq bir transferi rəsmiləşdirmişik. Bu istiqamətdə tələsmirik, axtarışlarımızı davam etdiririk. Son mövsümdə olan heyətimizin onurğa sütununu qoruyub saxlamaqla, ehtiyac olan mövqelər üzrə komandanı gücləndirəcək yeni futbolçular transfer etməyi planlaşdırırıq.
- Maliyyə cəhətdən vəziyyət nə yerdədir? Maliyyə artımı gözlənilir?
- Yeni mövsüm üçün yekun büdcə hələ müəyyənləşdirilməyib. Lakin əvvəlki mövsümlə müqayisədə maliyyə artımı gözlənilmir.
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
"Qarabağ" çox bir şey etmədi" - "Benfika"nın futbolçusu
Prezident “Qarabağ”ı təbrik etdi
Yankoviçin durumu necədir?
"Arsenal" "Atletik"ə belə qalib gəldi - Video
"Qarabağ"ın Lissabondakı möhtəşəm geridönüşü - Video
Tahir Gözel: “Bu qələbəni cənab İlham Əliyevə həsr edirik”