10.06.21
“Turan Tovuz” Futbol Akademiyasının koordinatoru Adil Şükürov Qol.az saytının suallarını cavablandırıb.
- Akademiya tam olaraq işə nə vaxt başlayacaq?
- İyunun 5-15 aralığında seçimlər olacaq. Bununla bağlı elan vermişik. Tam olaraq fəaliyyətə avqust ayından başlayacağıq.
- Seçim turu hansı yaş aralığında keçiriləcək?
- Sırf Tovuzun özündən cəlb edəcəyimiz qrup 6-12 yaşa qədərdir. Lakin respublika üzrə 12-16 yaşa qədər, yəni 2005-2008-ci təvəllüdlü uşaqlardır.
- Akademiyada işlər necə gedir?
- İşlər qaydasına düşməyə başlayır. Artıq məşqçilərlə biri-birimizi tam olaraq başa düşürük. Arzu, istəklərimizi bildirmişik. Onlar da öz növbəsində bizi başa düşərək məsuliyyətlə vəzifələrinin öhdəsindən gəlməyə çalışır.
- Yerli əhali arasında akademiyaya maraq nə qədərdir?
- Maraq getdikcə artır. Bundan başqa öz təbliğatımızı da apardıq. Uşaqlar və valideynlərin də ciddi rolu oldu. Eyni zamanda yeni uşaqların gəlişi də say artımına səbəb olur.
- Akademiyada şərait necədir?
- Şərait yaxşıdır. Standartlara cavab verir. Akademiya üçün nə lazımdırsa hər şey var. Sadecə bir orta məktəb məsələsi qalıb, onu da seçim turu bitəndən sonra uyğun qərar verəcəyik.
- Akademiyaya ətraf regionlardan gələnlər var?
- Şəmkirdən 8 nəfər, Qazaxdan 5, Ağstafadan isə 1 nəfərlə müqavilə bağlamışıq. Elan etmişik ki, ətraf rayonlardan uşaqlar gəlib seçim turunda iştirak edib, yaxşı nəticə göstərməklə akademiyamızın üzvü ola bilərlər. Yəni potensiallı uşaqları hər zaman burada saxlamağa hazırıq.
- Maliyyə vəziyyətiniz nə yerdədir?
- AFFA tərəfindən ayrılmış müəyyən büdcə var. O da yeni mövsüm üçün nəzərdə tutulub. Amma miqdarı hələ müəyyənləşməyib.
- Akademiyanın əsas prinsipi nədir?
- İnanıram ki, burada istedadlı uşaqlar parlayacaq. Milli komandamızın əsas üzvlərindən olacaqlar. Tovuz futbolunu irəli aparacaqlar. İstəyirik ki, Tovuz futbol Akademiyası Tovuzda futbolda istəyi, mübarizliyi yenidən artırsın. Tovuz futbol ənənəsi olan bir şəhərdir. Bu tarixi onlara aşılayacağıq. Hər kəs olduğu yerin tarixini bilməlidir. Kimsə bunu bilmirsə, çətin ki, o yerdə hansına uğur olsun.
- Bu akademiya ölkədə futbolçu çatışmazlığını nə qədər aradan qaldıra biləcək?
- Tək bizi desək ki, Tovuz akademiyası Azərbaycanda futbolçu qıtlığını tam aradan qaldıracaq, düzgün olmaz. Yəni bu, tək bir regionla həll olunası mümkün deyil. Gərək hər bir bölgədə belə akademiya olsun. Şimal, Cənub, Aran zonasında, Gəncədə, Zaqatalada da akademiya olmalıdır. Bir çox yaxşı futbolçu bu regionlardan çıxıb. Ona görə də belə akademiyalar və yaxşı mütəxəssislər çox olmalıdır.
- Azərbaycanda indi əsasən hücumçu və stopper çatışmazlığı var. Akademiya bu problemə xususi diqqət ayıracaqmı?
- Bu, futbolçudan asılı bir şeydir. Bu gün Azərbaycanda ən böyük çatışmazlıq sol ayaq mərkəz müdafiəçilərinin az olmasıdır. Bizdə akademiyada 2 yaş qrupunda 2 nəfər istedadlı uşaqlar var ki, onların üzərində işləyib 2-3 ilə yaxşı stopper kimi ortaya çıxara bilərik. Əlavə olaraq 1 nəfər azyaşlı uşaq var. 2011-ci il təvəllüdlüdür. Liderlik keyfiyyəti, qol vurmaq duyumunu xüsusi qeyd edərdim. Bu yaşda belə onun istedadı göz oxşayır. Oyunu çox gözəl hiss edir. İnşallah, biz onu qoruyub saxlaya bilsək inanıram ki, böyük gələcəyi olacaq. Belə uşaqlar hər mövqedə var. Bundan başqa sol ayaq dayaq yarımmüdafiəçimız, digər oyun qurucumuz var. Akademiyada tam olaraq 17-18 yaşlarında futbolçu formalaşır. O yaşa qədər keyfiyyətli futbolçular olur, sadəcə onları dövrə çatdırmaq bir az çətin olur. Məsələn, uşaqlar böyüyür, ətraf mühitini dəyişir, yeni insanlar tanıyır, yeni maraqlara can atır. Ona görə də bizim məqsəd onları həmin dövrə çatdırıb, düzgün istiqaməti verməkdir.
Ağa Dadaşzadə
_22.01.19.jpg)
Xorvatiya - Çexiya: Video
Kapitan ən yaxşı oyunçu seçildi
İngiltərə - Şotlandiya: Heyətlər
İbrahimoviç əməliyyat olundu
İsveçrə ilə oyunu buraxacaq
"De Byazi klubdakı çıxışımı yaxından izləyəcəyini söylədi"
Futbol üzrə Avropa çempionatlarında Azərbaycan imzası
"Almaniya millisindən qorxmuram" - Fernandu Santuş
İsveç Slovakiyanı belə məğlub etdi - Video
Avro-2020: Personajların paradından şəkillər
"Lill"in futbolçusuna silahlı hücum
Demba Banın yeni klubu
Ronaldodan yeni rekord - 300 milyon...
Rəcəbov Aronyanla heç-heçə etdi
Umut Bulutun yeni klubu
İspaniya millisində kapitan sevinci
"Sumqayıt" yeni qapıçı aldı
"Qəbələ"dən növbəti transfer
"Sumqayıt"ın avrokubok oyununun vaxtı dəyişdi
İspaniya millisinin sabiq baş məşqçisi La Liqa klubunda
Türkiyə millisinin Bakıdakı son matçının hakimləri açıqlandı
Kevin de Brüyne qol sevincini niyə qeyd etmədi?
Yarmolenkodan fərqli jest – Video
"Bizdən gözlənilən oyunu göstərmədik" - Lukaku
