15.03.26
“Qarabağ”ın xorvatiyalı yarımmüdafiəçisi Filip Ozobiçin Qol.az saytına müsahibəsi
- Mövsümün sonuna 8 tur qalır. Nəzərə alsaq ki, hazırda ilk pillədə olan “Neftçi” əvvəlki illərdən daha iddialıdır, bu mövsüm sizin üçün hədəfə çatmağın daha çətin olduğunu demək olar?
- Ümumiyyətlə, Azərbaycan çempionatının qalibi olmaq heç vaxt asan olmayıb. Bu il də istisna deyil. O ki qaldı “Neftçi” ilə mübarizəyə, təkcə bu il deyil, həmişə “Neftçi”nin heyətində yaxşı futbolçular olub. Bu komanda hər zaman təhlükəli rəqibdir.
- Çempionatın çox hissəsi geridə qalıb. Baş məşqçiniz Qurban Qurbanov getdikcə futbolçulardan daha çoxunu tələb edirmi?
- Qeyd etdiyiniz kimi, mövsümün sonuna 8 tur qalıb. Ancaq biz 8 oyunu yox, sırf qarşıdakı matçı düşünürük. Rəqibin kimliyindən asılı olmayaraq, növbəti oyunda qələbə qazanmağı hədəfləmişik. Baş məşqçimiz isə həmişə bizim performansımızın yüksək olmasını tələb edir.
- Millimizin heyətində “Qarabağ”dakı komanda yoldaşlarından bir neçəsi çıxış edir. Komandamızın Portuqaliya ilə oyunu Sloveniya – Xorvatiya matçı ilə eyni vaxtda başladı. Hansı oyunu izlədin?
- Demək olar ki, hissə-hissə hər iki qarşılaşmaya baxdım. Bir qədər Sloveniya – Xorvatiya oyununa, bir az da Portuqaliya – Azərbaycan matçına baxırdım. Azərbaycan millisinin qarşısında son Avropa çempionu olsa da, yaxşı mübarizə apardı.
- Qapıçımız Şahrudddin Məhəmmədəliyev Kriştiano Ronaldonun da çıxış etdiyi görüşdə matçın ən yaxşısı oldu. Onun inamlı çıxışı haqda fikirlərini bilmək istərdik.
- Şahruddin bütün mövsüm ərzində yüksək səviyyədə oyun nümayiş etdirir. Hələ məşqlərdə göstərdyi performansı demirəm. Onu da bildirim ki, Şahruddin əla qapıçı olmaqla yanaşı, həm də çox yaxşı, dəyərli bir insandır.
- 2017-ci ildə yoxlama görüşü üçün Xorvatiya millisinə dəvət aldın, ancaq daha sonra çağırılmadın. Bunun səbəbini nədə görürsən?
- Xorvatiya millisi dünyanın ən güclülərindən biridir və ora dünyanın ən güclü liqalarında çıxış edən futbolçular dəvət alır. Ona görə də Xorvatiya millisinə düşmək çox çətindir.
- Ümumiyyətlə, hazırkı Azərbaycan çempionatındakı oyunlarla Xorvatiya millisinə dəvət almaq mümkündür?
- Futboldur, hər şey baş verə bilər. Ancaq bayaq qeyd etdiyim kimi, Xorvatiya millisinə cəlb olunmaq çox çətindir. Mən hazırda bu haqda düşünmürəm. Bütün diqqətimi çempionatın son 8 oyununa yönəltmişəm.
- Xorvatiya mətbuatı xəbər yaymışdı ki, bu ildən Azərbaycan millisinə dəvət oluna bilərsən. Belə bir variant var? AFFA-dan təklif gəlib?
- Bu məsələ ilə bağlı mənimlə heç kim əlaqə saxlamayıb. İstər AFFA olsun, istərsə də digər qurumlardan. Mənim Azərbaycanda çıxış etməyimin 5 ili hələ yayda tamam olacaq. Buna görə də diqqətimi “Qarabağ”ın oyunlarına yönəltmişəm.
Ramiq AĞAMƏMMƏDOV
Qrizmann bu kluba keçir
Flikin "Barselona"sı Valverdenin rekorduna yaxınlaşır
Dörd gün ərzində iki qırmızı vərəqə aldı
"Real" futbolçularının milliyə çağırılmasına etiraz etdi
"Titullar meydanda qazanılır"
"Kristal Pelas"da Şon Dayç dövrü başlaya bilər
"Son oyunundan məmnun qalmadım, rotasiya etdik"
"Tottenhem"dən ağır məğlubiyyət
Səfər qadağası "Ayaks" azarkeşlərini dayandırmadı - Video
Nəriman ilk oyunundan paylaşım etdi - Şəkillər
Sonuncu pillədə yer alan klubda yeni baş məşqçi təyinatı
"Barselona" liderliyini möhkəmləndirdi
"Mançester Siti" final matçına itki ilə çıxacaq
Azərbaycan millisinin yekun heyəti açıqlandı
İrqçi təhqirlərə görə Premyer Liqa matçı dayandırıldı
"Barselona" futbolçularından sabiq ulduza ad günü jesti
Kökçünün komandası yenə uduzdu
Bakıya gələ bilməyən millinin baş məşqçisi istefa verdi
Tanınmış futbolçu karyerasını bitirdi
Emin Mahmudov Qurban Qurbanova çatdı
Mikels Nasimovun rekordunu təkrarladı
Mahir Emreli Miroslav Kloze ilə görüşdü - Şəkillər
Modriç "Top-5" liqalarında 2-ci oldu
665 gün sonra meydana qayıtdı
Yaxın Şərqdəki vəziyyətə görə Bakıya gələ bilməyəcəklər
Azərbaycan futzal millisinin heyəti açıqlandı
"Çelsi"nin böyük hesablı məğlubiyyəti - Video
Zamiq Əliyevin komandasından heç-heçə
Azərbaycanlı futbolçunun komandası 4 qolla qalib gəldi
"Liverpul" Salahı itirdi
“Bavariya” və “Borussiya”dan qələbə
Nəriman Axundzadə MLS-də debüt etdi
