15.03.26
"Sabah" klubunun gənc müdafiəçisi Şakir Seyidov Qol.az saytına müsahibə verib.
- Ötən mövsümə nisbətən az şans qazanmısınız. Səbəb nədir?
- Bu, artıq keçmişdə qalıb. Əvəzedici heyətdən əsas komandaya dönəndən sonra şans qazanıram. Bundan sonra da ümid edirəm ki, yeni baş məşqçi mənə şans verəcək. Öz növbəmdə etimadı doğruldacağam. Həmişə çalışıram ki, yaxşı formada olum, həm məşqdə, həm də oyunda komandaya xeyrim dəysin.
- “Sabah” geniş heyətə malik olsa da, sonuncu pillədədir...
- Bəli, heyətimiz yaxşıdır. Əlimizdən gələni edəcəyik ki, yuxarı pilləyə yüksələk.
- Hazırda sonuncu yerdəsiniz. Geri dönüş edə biləcəksiniz?
- Buna tək mən yox, komanda şəklində hamımız inanırıq.
- Mövsümün sonuna qədər yeni baş məşqçiniz var - Ramin Quliyev. Hansı dəyişikliklər hiss etmisiniz?
- Komandada umumi olaraq hər şey qaydasındadır. Hazırda komanda ruhu var. Bu ab-hava ilə davam edib, yaxşı nəticələr əldə etmək istəyirik.
- Sonuncu olmağınıza baxmayaraq, milliyə "Sabah"ın bir neçə oyunçusu dəvət olundu.
- Baş məşqçi onlara dəvət göndəribsə, deməli, buna layiqdirlər. Mən də düşünürəm ki, onlar milli komandaya kömək edə biləcəklər.
- "Sabah"da hansı məqam qələbəyə mane olur?
- Səbəbini mən də bilmirəm. Lakin hər bir oyuna 3 xal üçün çıxırıq.
- Əvvəlki Şakir olmağın üçün sənə nə lazımdır?
- Mən əvvəlki formamı demək olar bərpa etmişəm. Amma bununla arxayınlaşmıram. Mənə lazımdır ki, daha da artırıb irəli gedim. Əsas məqsədim klubda və millidə aparıcı simalardan olmaqdır.
- Sabiq baş məşqçiniz Visente Qomez çox uğursuz oldu.
- Mən futbolçuyam, işim futbol oynamaqdır. Baş məşqçidən danışmağım düzgün olmaz.
Ağa Dadaşzadə
"Liverpul" Salahı itirdi
Nəriman Axundzadə MLS-də debüt etdi
"Lion" heyətində çıxış etməyən oyunçu üçün cərimə ödəyəcək
Əllə oyun olsa da, hakim penalti təyin etmədi - Şəkil
Bundesliqa matçında 6 qol vuruldu, qalib bəlli olmadı
"Tottenhem" 5 penalti qaytaran qapıçıya göz dikdi
"Liverpul"dan 10 ildən sonrakı ilk antirekord
"Barselona" onunla sağollaşa bilər
"Turan Tovuz" "Qəbələ"ni belə məğlub etdi - Video
Ekitike sıradan çıxdı, milliyə qoşula bilməyəcək
"İddialı danışmaq üçün hələ çox tezdir" - Kurban Berdiyev
“Qarabağ”ın lehinə penalti verilməli idimi? - Video
“Turan Tovuz” “Qəbələ”yə qalib gəldi
Mahir Emreli keçmiş komandasına qarşı oynadı
Hidayət Heydərov bürünc medal qazandı
