07.04.26
“Səbail”in baş məşqçisi Aftandil Hacıyev Qol.az-a müsahibəsində komandasının mövsümün ikinci yarısına hazırlığından və transfer planlarından danışıb.
- Komandada ümumi durum necədir? Hazırlıqlarınız necə gedir?
- Hazırlıqlar davam edir. Gündə 2 dəfə məşq edirik. Bu gün də səhər məşqə çıxdıq. Axşam isə istirahətdəyik. Sabahdan gündəlik 2 məşq proqramını bərpa edəcəyik. Hazırlıq prosesimizi yanvarın 14-də “Sabah”la yoldaşlıq matçı ilə başa vuracağıq.
- Özünüz bir yoxlama oyunu ilə kifayətləndiniz?
- Futbolçular da gec toplanıblar. Bəziləri sonradan qoşulduğu üçün az məşq edib. Buna görə də hamının oynaması çətin idi. Bir yoldaşlıq görüşü kifayət edir. Komandayla öz aramızda da oyun keçiririk. Çalışırıq ki, komanda yavaş-yavaş yüklənsin.
- “Səbail”in də bir neçə futbolçusu koronavirusa yoluxmuşdu. Hazırda vəziyyət necədir?
- O barədə problemimiz yoxdur. Hamının səhhəti normaldır, məşqlərdə iştirak edirlər.
- 6 futbolçu ilə yollarınızı ayırdınız. Onların yerini doldura biləcəksiniz?
- Hələ axtarışdayıq. Hazırda 2 futbolçu var ki, onlarla danışıqlar gedir. Müsbət nəticə əldə olunsa, açıqlayacağıq.
- Hansı mövqeləri gücləndirmək istəyirsiniz?
- Yarımmüdafiəçi, müdafiəçi, hücumçu. Demək olar ki, hər xəttə bir oyunçu transfer etməyi düşünürük.
- Şimali Makedoniya mətbuatı bu ölkənin “Vardar” klubunun yarımmüdafiəçisi Boyan Naydenovun “Səbail”ə keçəcəyini yazıb. Onunla danışıq aparmısınız?
- O, təklif edilən oyunçulardan biridir. Amma onunla rəsmi danışıqlara girməmişik. Yəni hər şey sadəcə maraqlanmaq səviyyəsində olub. Maraqlansaq da, özü ilə danışmamışıq.
- Rəşad Eyyubovun da adı “Səbail”lə çəkilir.
- Rəşad Eyubbovla heç maraqlanmamışıq da.
- İranlı futbolçu Bəxtiyar Rəhmani ilə müqaviləni pozmağınızın səbəbi nə oldu?
- Onun ailəsi ilə bağlı problemləri vardı. Ona görə müqaviləyə qarşılıqlı razılaşma əsasında xitam verildi.
- Futbolçularınızın qışa qədər göstərdiyi oyuna əsasən mövsümün ikinci yarısında komandanızdan gözlənitiniz nədir?
- Mübariz bir komanda olaraq sona kimi davam etmək istəyirik. Çalışacağıq ki, ən azından mübarizə aparmaqdan qorxmayaq. Bilirik ki, bizə çətin olacaq. Amma qışa kimi keçirilən oyundan onu göstərdi ki, rəqiblərdən geri qalmırıq.
Ramiq AĞAMƏMMƏDOV
Bizi sosial şəbəkələrdə də izləyin:
http://instagram.com/qolaz
14 illik həsrət bitdi
65 il sonra qayıtdılar
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
"Zirə" kimi komandadan xal qazanmaq uğurdur" - Ayxan Abbasov
2-ci liqada liderlər böyükhesablı qələbə qazandılar
“Araz-Naxçıvan” - “Sabah”: Heyətlər
"Turan Tovuz" doğma stadionuna qayıdır
"Çox vacib xallar itirdik" - Kurban Berdiyev
Antonio Valensiya futbola qayıtdı
"Zirə" - "Şamaxı": Heyətlər açıqlandı
"Real" yeni mövsüm üçün ilk transferini etdi
Məşhur futbolçu karyerasını bitirdi
Konte iddialara cavab verdi
