Dünən yeni klubu “Bakı”nın tərkibində ilk oyununa çıxan millimizin hücumçusu Vaqif Cavadov Qol.Az saytının suallarını cavanlandırıb
- “Tvente”nin əsas heyətində möhkəmlənə bilmədin və orada debüt etmədən yenidən Azərbaycana qayıtdın. Bu, sənə psixoloji cəhətdən mənfi təsir edib?
- Əlbəttə, Hollandiyada oynamaq daha yaxşı olardı. Lakin alınmadı. Deməli, qismət belə imiş. Artıq gələcəyə baxmaq lazımdır. İnşallah, bir ildən sonra Hollandiya çempionatında debüt etmək mənə nəsib olar.
- Hollandiyadan qayıtdıqdan sonra Azərbaycan Premyer Liqasında ilk oyununa çıxdın. Təəssüratlarını bilmək maraqlı olardı.
- Yenidən Azərbaycana qayıtmağım mənə xoş təsir bağışladı. Çünki bura mənim vətənimdir. Doğma azarkeşlərin qarşısında futbol oynamaq insana ayrı bir zövq verir. İnanıram ki, yeni komandama uyğunlaşmaq üçün mənə çox vaxt lazım olmayacaq.
- “Bakı”da debütün heç də uğurlu olmadı. Komandan iki xal itirdi.
- Meydana yalnız qələbə üçün çıxmışdıq. Lakin alınmadı. Bu, futboldur. Burada hər şey ola bilər. Debüt oyunun uğurlu alınması vacib şərt deyil. Əsas odur ki, mövsümün sonunda komanda hər hansı bir mükafata yiyələnsin. Artıq biz bu oyunu unudub qarşıdakı matçları fikirləşməliyik.
- Sən həmişə deyirdin ki, Azərbaycana qayıtsan, yalnız “Qarabağ”da oynayacaqsan. Lakin hamını təəccübləndirərək “Bakı” ilə müqavilə imzaladın.
- Futbolçu həyatında bəzən belə şeylər də olur. “Qarabağ” mənim uşaqlıqdan azarkeşlik etdiyim klub olub. Hər zaman bu klubun uğurlarına sevinmiş, kədərinə isə üzülmüşəm. Burada bəzi amillər məni “Bakı”nı seçməyə vadar etdi. Məni transfer etmək üçün “Bakı” klubunun rəhbərliyi də əlindən gələni etdi. Onlar mənimlə daha çox maraqlandılar. Ona görə də bu klubu seçməli oldum. Bununla belə, mən “Qarabağ”ı heç vaxt yaddaşımdan silməyəcəyəm.
- Millinin baş məşqçisi Berti Foqts sənin fiziki hazırlığından narazıdır. Buna münasibətin necədir?
- Əgər fiziki hazırlığım qaydasında olmasaydı, Almaniyada 90 dəqiqə oynaya bilməzdim. Düşünürəm ki, mən hazırda əvvəlki formada olmasam da, lap aşağı səviyyədə də deyiləm. Bunu öz oyunumla sübut etmişəm.
- Almaniyadakı acı məğlubiyyət haqqında nə deyə bilərsən?
- İstəməzdik ki, belə böyük hesabla məğlub olaq. Lakin bu futboldur. Bildiyiniz kimi, almanlar dünya üçüncüsü olan bir komandadır. Onların mundialdakı oyunu hamıya bəllidir. Ona görə də almanlara müqavimət göstərmək heç də asan deyil. İnanıram ki, Bakıda onlara qarşı daha əzmkar oynayacağıq.
- Almaniya millisinin müdafiəçisi Per Mertazaker oyunda zədələndikdən sonra cəzasız qaldığın üçün səni və hakimi məhkəməyə verəcəyini bildirib. Səncə, bu, nə dərəcədə doğru olacaq?
- İstənilən futbolçu zədələnə bilər. Lakin hər kəs bilir ki, mən Mertezakeri qəsdən zədələmədim. Sırf oyun epizodu idi. Əgər buna görə hakim məni cəzalandırmırsa, bu, artıq onun problemidir. Məni qınamağın heç bir anlamı yoxdur.
- Azərbaycan millisinin Almaniyaya vurduğu yeganə qolu sənin ayağına yazdılar. Bəs, səncə, bu qolu kim vurmuşdu?
- Əgər top Rail Məlikova dəymişdisə, onun da adına yazılmalı idi. Yox, əgər top qapıçıya dəyibsə, o zaman qol elə mənim adıma yazılmalıdır. Bununla belə, qolun kim tərəfindən vurulması vacib deyil. Əsas odur ki, millimiz ilk oyununda qol vura bildi. İnşallah, qarşıdakı oyunlarda vuracağımız qollar qələbə qolları olar.
"Bayer" qarşısıalınmazdır
"Qalatasaray" "Sivasspor"a 6 qol vurdu
“Sabah” bəxt sayəsində qalib gəldi” – Elmar Baxşıyev
Ayaz Quliyevin möhtəşəm qolu, "Sabah"ın qələbəsi - Video
"Sabah" irəlilədi, "Zirə" yenidən 2-ci pillədə
Tovuzda vurulan qollar - Video
Rəşad Sadlqov qələbəni şərh etdi
Musanın komandasından qələbə
"Araz-Naxçıvan" - "Sabah": Heyətlər
Azərbaycan millisinin üzvü Ukraynada növbəti oyuna çıxdı
"Jirona"ya məğlubiyyət Laportanı qəzəbləndirib
"Bavariya"nın futbolçusu "Real"la oyunu buraxacaq
Tovuzda heyətlər açıqlandı
Qvardiola: "Biz çempion olacağıq"
"Çelsi" Osimhen üçün 90 milyon avro təklif etdi
Messidən MLS rekordu
Rahilin komandası aşağı liqaya düşdü
"Deyiləcək söz yoxdur" - "Neftçi"nin qapıçısı
"Qarabağ" Nərimanla müqaviləni uzatdı
Ardıcıl 5-ci dəfə İspaniya çempionu oldular
"İnter"i 29 oyundan sonra məğlub edən tapıldı - Video
Suaresdən het-trik, Messidən 5 qol ötürməsi
22 il sonra Premyer Liqaya yüksəldilər
"İnter"in 29 oyunluq seriyası qırıldı
"Bavariya" uduzdu, "Borussiya"dan darmadağın