Dieqo Maradona yenidən “Napoli”yə qayıdır

Dieqo Maradona yenidən “Napoli”yə qayıdır
DÜNYA FUTBOLU 6 Sentyabr 2010 / 16:11 2463
-  A +

Son dünya çempionatından sonra Argentina millisinin baş məşqçisi postundan uzaqlaşdırılan Dieqo Maradona 50 yaşını qeyd etməyə hazırlaşır. Əfsanəvi futbolçu bu əlamətdar günü qeyri-adi şəkildə qeyd etməyi planlaşdırır. Qol.Az-ın İtaliya mətbuatına istinadən verdiyi məlumata görə, Maradona ad günü ilə əlaqədar yoldaşlıq matçı keçirmək istəyir: “Yardım məqsədli bir matç təşkil etmək itəyirəm. “Napoli”dəki dostlarımla və azarkeşlərlə yenidən bir yerdə olmaq arzusundayam. Çünki karyeramın ən gözəl günlərini orada keçirmişəm”.
Qeyd edək ki, Maradona 1987-1990-cı illərdə “Napoli” forması geymiş və İtaliya klubu ilə çempionluq yaşamışdı. Təşkil ediləcək yoldaşlıq matçında Maradona ilə birlikdə “Napoli”də forma geymiş futbolçuların da iştirak edəcəyi gözlənilir.


Son xəbərlər