22:11
Rusiyanın “Anji” klubunun ölkəmizə səfəri baş tutmayıb. Qol.Az-ın məlumatına görə, bu barədə “Bakı”nın rəsmi saytı xəbər yayıb. Məlumatda bildirilir ki, buna Mahaçqala klubunun futbolçularının sənədləri ilə bağlı Rusiya sərhəddində yaranan problem səbəb olub. Bundan sonra şimal qonşularımız Bakıya gələ bilməyəcəkləri barədə klubumuzu məlumatlandırıb. Bununla əlaqədar olaraq bu gün Tofiq Bəhramov adına stadionda keçirilməli olan baş məşqçilərin mətbuat konfransları da keçirilməyib.
Qeyd edək ki, yığma komandaların oyunu ilə bağlı yaranan fasilə dövründə “Anji” klubu ölkəmizə gəlib “Bakı” ilə yoldaşlıq görüşü keçirmək istəyirdi. Artıq bu yöndə bütün razılıqlar əldə olunmuşdu. Hətta Rusiya klubu bu gün Bakıya gəlməli, mərkəzi arenada ilk məşqinə çıxmalı, hər iki klubun baş məşqçisinin jurnalistlər üçün mətbuat konfransı keçirilməliydi. Lakin göründüyü kimi ölkəmizə səfər edərkən, komandanın bəzi oyunçuları ilə bağlı yaranan sənəd problemi bu yoldaşlıq görüşünün baş tutmasına imkan verməyib.
Qeyd edək ki, “Anji” həm də millimizin müdafiəçisi Mahir Şükürovun şərəfini qoruduğu komandadır. Lakin o, millimizin Almaniyadakı təlim-məşq toplanışında olduğundan paytaxt klubuna qarşı forma geyə bilməyəcəkdi.
3 aydır qol vura bilməyən futbolçu azarkeşlə dalaşdı - Video
Bu stadion hərraca çıxarılır
Avropada uduzmayan yeganə komanda oldular
Paris klubu üçün antirekord
La Liqada yeni ofsayd sistemi tətbiq olunacaq
Sabirin het-triki, “Qaradağ Lökbatan”ın qələbəsi - Video
Çempionat matçı ləğv edildi
"Atletiko"nun futbolçuları zədələndi
Rumıniya millisinin yeni baş məşqçisi bəlli oldu
