22:11
«Mets» klubundan «Bakı»ya keçən müdafiəçisi Stefan Borbikoni Fransa mətbuatına müsahibə verib. Müsahibəni təqdim edirik.
- «Bakı»ya keçidiniz necə baş tutdu?
- Mən qətiyyən «Mest»dən ayrılmaq istəmirdim. Bir neçə gün əvvəl Yusef Mohtari adlı bir menecerlə tanış oldum. Onun Bakıdakı menecerlərlə əlaqəsi var. Türkiyədə oynadığımı bilirdilər. Etiraf edim ki, ilk öncə Azərbaycana getmək istəmirdim.
- Bəs, sizi bu ölkəyə getməklə bağlı qərar verməyə nə vadar etdi?
- Bunu gizlətməyəcəyəm, mənə yaxşı pul təklif etdilər. Digər tərəfdən, indi böyük oyun təcrübəsinə malik deyiləm. Buna görə də əvvəlki klubum mənim maaşımı azalda bilərdi. Hesab edirəm ki, bu qərarım yerində verilib və hamı üçün sərfəlidir.
- Azərbaycan çempionatında oynamağı çox futbolçu arzulamır. Bakıya hansı əhval-ruhiyyədə getdiniz?
- Bu, mənim üçün yeni təcrübədir. Türkiyəyə gedəndə də müəyyən mənada çəkinirdim. Amma əvvəl-axır ora uyğunlaşa bildim. Türkiyə təcrübəsi mənə çox şey verdi. Ölkə xaricində başqa həyat yaşasan da, bundan bütün hallarda məmnun qalırsan.
- «Bakı» haqda nə deyə bilərsən?
- Komandanın baş məşqçisi - Vinfrid Şeferi yaxşı tanıyırıq. O, «Karlsruye», «Ştutqart» və Kamerun millisinin baş məşqçisi işləyib. Komandada iki braziliyalı futbolçu da var ki, onlarla hələ Türkiyədə tanış olmuşdum.
- «Mets»i tərk etdiyinizə görə təəssüflənmirsiniz ki?
- Düzü, ilk günlər elə də yaxşı deyildim. Amma artıq qərarımı vermişəm və hərəkət etmək lazımdır. Mən «Bakı»da icarə əsasında oynayacağam. Bir il sonra isə geri qayıdacağam. Bu mənada, Azərbaycan klubuna keçməyin tam tərəfdarı deyildim.
3 aydır qol vura bilməyən futbolçu azarkeşlə dalaşdı - Video
Bu stadion hərraca çıxarılır
Avropada uduzmayan yeganə komanda oldular
Paris klubu üçün antirekord
La Liqada yeni ofsayd sistemi tətbiq olunacaq
Sabirin het-triki, “Qaradağ Lökbatan”ın qələbəsi - Video
Çempionat matçı ləğv edildi
"Atletiko"nun futbolçuları zədələndi
Rumıniya millisinin yeni baş məşqçisi bəlli oldu
