11:15
Son mövsümü «Turan» klubunda keçirmiş təcrübəli hücumçu Samir Musayev Qol.Az saytının suallarını cavablandırıb
- Samir, hazırda nə işlə məşğulsan?
- Heç bir işlə. Daha doğrusu, hazırda artıq çəkim var ki, onu aşağı salmağa çalışıram.
- Yəqin ki, məşq eləmədiyin üçün artıq çəki yığmısan.
- Yox, elə deməzdim. Tez kökəlməyim mənim orqanizmimdən irəli gəlir.
- Bu sözlərindən belə başa düşmək olarmı ki, səni bu il hansısa komandada görə bilməyəcəyik?
- Qismət… Bunu zaman göstərər. Ola da bilər, olmaya da.
- Hazırda fərdi şəkildə məşq edirsən?
- Bəli. Həm çəkimi aşağı salmaq, həm də formada qalmaq üçün fərdi şəkildə çalışıram.
- Yay transfer mövsümündə hasısa klubdan təklif almısan?
- Yox.
- Bəs, “Turan”da qalmağına nə mane oldu?
- O komanda haqda danışmaq istəmirəm.
- Bu komandayla aranızda nə kimi problem olub?
- Bilirsiniz, elə bir ciddi bir problemim olmayıb. Məsələ ondan ibarətdir ki, “Turan” rəhbərliyi yaşlı futbolçulara heç də yaxşı münasibət göstərmirdi. Düz hərəkət eləmədilər. Ayrıseçkilik elədilər. Çətin vəziyyətlərində onlara kömək olduq. Amma axırda bəhanə tapib bizə «siz çox yaşlısınız» deyib üz çevirdilər. Mənim 31 yaşım var. Mənə yaşlı deyirlər, amma sonra gedib 33 yaşlı oyunçu alırlar.
- Fikrincə, bu ayrıseçkiliyə səbəb nədir?
- Daha orasını bilmirəm. Bunu onlardan soruşsanız yaxşı olardı. Mən bunu onların öz insafına buraxıram.
- «Turan»da maaşların vaxtlı-vaxtında verilməsində problem olurdu?
- Yox, maliyyə cəhətdən problem olmayıb.
- Hər zaman müsahibələrində bildirmisən ki, karyeranı “Qarabağ”da bitirmək istəyirsən.
- Həqiqətən bunu çox arzulayıram. Amma düzü, «Qarabağ»dan mənə hər hansı təklif gəlməyib.
- Yeri gəlmişkən, «Qarabağ» bu gün Avroliqada Dortmund «Borussiya» ilə qarşılaşır. Bu oyun haqda fikrin necədir?
- “Qarabağ”ın ötən ilki uğurlarından sonra onların bu il də yaxşı nəticə qazanacağına inanıram. “Qarabağ” bu səddi də keçməyi bacarar. Buna onların gücü və ağıllı oyunu imkan verir. Sadəcə, özünə inanıb, rəqibin adından çəkinməyib oynamaq lazımdır. Mən inanıram ki, «Qarabağ» səfərdən yaxşı nəticəylə dönməyi bacaracaq.
Çox istərdim ki, o biri komandalarımız da yaxşı nəticə əldə etsinlər. Amma düzü, onların bu cür uğursuzluğu bir tərəfdən yaxşı oldu ki, artıq legionerlərə yox, yerli oyunçulara güvənmək lazımdır. Mən legionerlərin əleyhinə deyiləm. Amma axı, bütün komandanın əsas heyəti başdan-ayağa legionerlərdən ibarət olmamalıdır. Açığı, bu il mən “Qarabağ”dan başqa hansısa komandamızın uğur qazanacağına inanmırdım. Çünki gedib öz yerli oyunçularından zəif legioneri gətirib oynatmaqla heç bir uğurdan danışmağa dəyməz.
Şükür CAVAD
"Bayer"də ciddi itki
Azərbaycan güləşçisindən bürünc medal - Dünya çempionatı
Sergey Milinkoviçlə müqavilə imzalandı
"Qəbələ" və "Zirə"nin əvəzedicilərindən böyükhesablı qələbə
De Brüyne "Qarabağ"a qarşı oynamayacaq
London klubu Kante ilə yeni müqavilə imzaladı
"Qızlar xarakter göstərdilər" - Siyasət Əsgərov
İqor Tudor “Yuventus”dan qovuldu
U-17 millimiz rəqibinə böyük hesabla məğlub oldu
Azərbaycan millisi Qazaxıstana yenə qalib gəldi
Vinisiusdan Yamala sərt sözlər
Azərbaycanda UEFA Pro kursunun IV mərhələsi başladı
Türkiyə klublarının Avropa qazancı
Kovaçiç “Mançester Siti”dən ayrılır?
Alvaro Karreras Yamalın driblinqinə münasibət bildirdi
İqor Tudorun “Yuventus”dakı gələcəyi sual altındadır
Azərbaycan kubokunun adı dəyişdirildi
100-cü oyun
Qvardiola: “Bu məğlubiyyət bizi daha da gücləndirəcək”
Azərbaycan kubokunda buhəftəki oyunların hakimləri açıqlandı
"Azərbaycanda oynayıramsa, "Qarabağ"ın uğuruna sevinməliyəm" - Portuqaliyalı legioner
"Qəbələ"nin 200-cü məğlubiyyəti
"Kəpəz"in uğursuzluq yubileyi
Andrade üçün əlamətdar oyun
“Bavariya”nın futbolçusu İngiltərə yolunda
Neymarın yeni ünvanı İtaliya ola bilər
