02.11.24
AFFA Məşqçilər Komitəsinin üzvü Ağasəlim Mircavadov Qol.az saytına müsahibə verib.
- Karantin günlərini necə keçirirsiniz? Koronavirusdan necə qorunursunuz?
- Evdə oluram, qayda-qanuna əməl edirəm. Bayıra çıxanda da çörək, azuqə almağa gedirəm. Maska, əlcək taxıram. Bir bəladır də. Çalışmalıyıq ki, bu bəladan az itki ilə qurtulaq. Dövətimiz də buna çalışır. Hər gün yeni qərarlar verilir. Biz də buna riayət etməliyik.
- Deyəsən, sizin üçün buna riayət etmək çətindir. Çünki yaşı 65-dən yuxarı insanların bayıra çıxmasına qadağa qoyulub. Siz isə dükana getdiyinizi dediniz.
- Bəli, ağırdır. Mən də lazım olanda çıxıram. Həmişə bayırda olan adamam. Bu gün Mərdəkandakı bağa gəlmişəm. Heç kim yoxdur, sakitlikdir, əlimdə əlcək, ağzımda maska ilə ağacları sulayıram. Sonra da evə qayıdacağam. Mən bayırda olmuram.
- Futbolsuz hayat necə keçir?
- Kanallarımız köhnə oyunları göstərir, onlara baxıram. Rusiyanın “Matç TV” kanalından oyunları izləyirəm. Belarus çempionatı gedir. Bir neçə oyunlarına baxmışam. Onların çempionatını analiz edirəm, bizimki ilə müqayisə aparıram. Belarus çempionatı xoşuma gəlmədi. “Vur qabağa” prinsipi ilə oynayırlar. Taktiki gedişləri yoxdur. Bizim bəzi oyunlar onlardan daha yaxşıdır. Demək olar ki, hər klubda afrikalı futbolçu var. Gürcüləri də görürəm. Öz-özümə fikirləşirəm ki, niyə bizim futbolçular da orada olmasın? Yəqin onlarda maliyyə zəifdir.
- Koronavirusa görə milli çempionatların ləğvi də mümkündür...
- Düzdür, idman prinsipi cəhətdən itiririk. Ancaq birinci xalqımızı düşünməliyik. Analiz edib, sonra qərar vermək lazımdır. Səhv etmirəmsə, çempionat ləğv olunsa turnir cədvəli olduğu kimi qalacaq. Yəni yerlər buna uyğun müəyyənləşəcək. Onsuz da heç bir klub “Qarabağ”la çempionluq uğrunda mübarizə apara bilməyəcək. Bunu açıq demək lazımdır. Bunu gizlətməyin mənası yoxdur. “Neftçi” və “Keşlə” öz oyunlarına görə 2-ci və 3-cü yerlərdədir. “Neftçi” mövsümün əvvəlində çempionluq uğrunda mübarizə aparırdı. Ancaq sonra nə oldu, hansı səhvlər baş verdi bunu demək istəmirəm.
Qalır Azərbaycan kuboku. Bu barədə də düşünmək olar. Elə məsələdir ki, çox fikir ola bilər. Ancaq bir qərar verilməlidir. Məsələ çox uzansa, hamıya pis təsir edəcək.
- Düşünürüsüz ki, “Qarabağ” çempion elan olunsa, heç bir klub buna etiraz etməz?
- Əlbəttə etməz. Gör, “Qarabağ” rəqiblərindən neçə xal öndədir. Mən keçən ilin oktyabrın ayında müsahibəmdə demişdim ki, “Qarabağ” çempion olacaq. Kimsə nəsə deyə bilər ki, yox düz deyil filan. Ancaq etiraz edən kluba demək lazımdır ki, bu ana qədər nə etmisən ki, bundan sonra nəsə edəsən. Reallığı demək lazımdır. Niyə özümüzü aldatmalıyıq ki? Bəzən özümə sual verirəm ki, niyə mübahisə edirik, dərinə gedirik, reallıq budur də.
Siz mənə suallar verdiniz, istəyirəm mən də soruşum ki, bəs siz necəsiniz, belə bir vaxtda nə yazırsınız?
- Demək olar ki, xəbərlərin 90 faizi koronavirusla bağlıdır.
- Bəli, hamımız təbliğat aparmalıyıq ki, bir-birimizi qoruyaq. İndi ən vacib məsələ budur. Bu da bir imtahandır. Gərək bu imtahandan üzüağ çıxaq. Nə deyim, özünüz məndən yaxşı bilirsiniz. Bu işin içindəsiniz.
Ramiq AĞAMƏMMƏDOV
_22.01.19.jpg)
Kompani narazıdır
Emrelidən gözəl qol ötürməsi, komandasından məğlubiyyət
"Mançester Yunayted"in növbəti transfer hədəfi
Konor Makqreqora ağır ittiham
Flik gələcəyi haqda danışdı
Qvardiola: "Mançester Siti" 2-ci diviziona göndərilsə..."
"Üzərimdə təzyiq hiss etmirəm" - Elmar Baxşıyev
"Araz-Naxçıvan"ın "Kəpəz" üzərində qələbəsindən - Video
Azər Bağırov “Kəpəz”in uduzmasından danışdı
Messinin yeni baş məşqçisi bəlli oldu
Misli Premyer Liqasında bombardirliyə belə yüksəldi - Video
"Araz-Naxçıvan" "Kəpəz"ə qalib gəldi
Türkiyə klubunun baş məşqçisi qətlə yetirildi
Kovaçiç 1 aylıq sıradan çıxdı
