23.08.25
“Neftçi”nin baş məşqçisi Arif Əsədovun Qol.Az saytına müsahibəsi
- “Neftçi” Azərbaycan Premyer Liqasında ilk sınağına “Qarabağ”la oyunda çıxdı və 1-1 hesablı heç-heçə qeydə alındı. Belə başlanğıc nə dərəcədə ürəyinizcə oldu?
- Mətbuatda gedən çıxışlarıma diqqət yetirmisinizsə, mən “Qarabağ” komandasının hazırda Azərbaycanın ən yaxşı kollektivi olduğunu vurğulamışam. Hər iki komanda Azərbaycanın ən güclülərindəndir və təbii ki, hər iki tərəf üçün ilk qarşılaşmada güclü rəqiblə oynamaq asan deyildi. Nəticə etibarilə biz də, rəqib də 2 xal itirib, 1 xal qazandıq.
- Ümumilikdə komandanın oyununu və oyunçuların mübarizəsini qənaətbəxş hesab edirsinizmi?
- Bilirsiniz ki, düşərgəmizə çoxsaylı yeni oyunçular cəlb edilib. Meydanda onlar arasında anlaşmanın istənilən səviyyədə olması üçün müəyyən vaxt tələb edilir. Oyundan sonra matçın video yazısını izlədim. Futbolçularımızın bəzən bir-birini başa düşməmələri onların bir yerdə çox az oynamaları ilə bağlıdır. Bu, bizə oyunda top itkiləri ilə başa gəldi . Hücum xəttində istədiyimiz qədər effektli oynaya bilmədik. Bununla belə, futbolçularımız taktiki cəhətdən onlara verdiyimiz tapşırıqları yerinə yetirə bildilər.
- Komandaya cəlb edilən yeni oyunçuların fiziki hazırlıqları hansı səviyyədədir?
- Futbolçuların fiziki hazırlığı ilə xüsusi məşqçilər məşğul olurlar. Mövsümün yeni başlandığını nəzərə alsaq, bu məsələdə bəzi kiçik problemlərin olması qaçılmazdır. Hazırkı vəziyyət üçün isə onu deyə bilərəm ki, oyunçuların fiziki hazırlığı məşqçilər korpusunu qane edir.
- “Neftçi”də gəncləşdirmə prosesinin getdiyi məlumdur. Gənclərin hazırlığı sizi razı salırmı?
- Əlbəttə, onlar ciddi səylə hazırlaşırlar. Komandada güclü rəqabətin olduğunu qeyd etməliyəm. Təbii, istərdik ki, gənclərin hamısına şans verək və təcrübə qazansınlar. Lakin razılaşın ki, “Qarabağ”a qarşı onların hamısını meydana buraxa bilməzdik. Məsələn, Fərid Quliyev yığmanın heyətində çıxış edir. Ondan faydalanmalıyıq və bunu edəcəyik, lakin hər şeyin öz zamanı var. Qarşıda elə matçlar olacaq ki, istər Fərid, istərsə də, digər gənc oyunçulara forma şansı veriləcək.
- Mövsümün ən səs-küylü transferi olan Mpenza haqqında nə deyə bilərsiniz? Bakıya gəlməyindən çox zaman keçməməsinə baxmayaraq ona start heyətdə şans verdiniz.
- Mpenza karyerası baxımından çox önəmli bir oyunçudur. Düzdür az müddətdir ki, o, Bakıdadır. Lakin oyun öncəsi məşqlərdə çox istəkli idi. Qol vurmaq mənasında ona verdiyimiz tapşırıqları yerinə yetirməkdə çətinlik çəkmirdi. O ki, qaldı onun əsas heyətdə oynamasına... Bilirsiniz ki, Türkiyədə yoxlama oyunlarında Flavinyo əsas heyətdə çıxış edirdi. Elə çempionatda da məhz ona güvənməyi planlaşdırırdıq. Lakin transfer vərəqi bizə gəlmədiyindən onun adını iştirak ərizəsinə daxil edə bilmədik. Həm bu səbəbdən, həm də hücum gücümüzü ilk dəqiqələrdən rəqibə hiss etdirmək arzusu ilə Mpenzanın əsas heyətdə yer almasına qərar verdik. Təbiidir ki, komanda yoldaşları ilə anlaşması istənilən səviyyədə deyildi. Bu da bayaq qeyd etdiyim kimi, onların bir yerdə oynamamasından irəli gəlir.
Ronaldonun növbəti uğuru
"Çoxdandır ki, millidə bu ruh görünmürdü" - Ayxan Abbasov
U-21 yığmamızın Bolqarıstanla oyunundan - Video
Azərbaycan millisi DÇ-2026-da ilk xalını qazandı
Azərbaycan millisində tarixi rekord!
Rüdiger və Alabanı kim əvəz edəcək?
U-21 yığmamız Bolqarıstanla bərabərə qaldı
Ançelotti Rafinyaya istirahət verə bilər
“Fənərbaxça” yeni baş məşqçisini rəsmən açıqladı - Yenilənib
Azərbaycan - Ukrayna: Heyətlər
"Liverpul" yeni formalarını təqdim etdi - Şəkillər
Postekoqlunun yeni klubu açıqlandı - Rəsmi
Bolqarıstan millisinin baş məşqçisi istefa verdi
Millimizin sabiq futbolçusu 1-ci liqa klubunda
İtaliya millisindən tarixi göstərici
U-19 millimiz 6 qolla uduzdu
Kubokda püşkatmanın vaxtı açıqlandı
"Şamaxı"dan ayrılan futbolçu "Səbail"də
Şevçenko Bakıdakı futbol meydanşasının açılışında - Şəkillər
"Fənərbaxça"dan "Spartak"a - Rəsmi
1 il 3 aydır qələbə üzünə həsrətik...
"Araz-Naxçıvan"ın ÇL oyunlarının təqvimi
PSJ-nin 2 oyunçusu millidə zədə aldı - Narazılıq yarandı
Nunu istefaya göndərildi
Qattuzo: "Bu, karyeramın ən çılğın oyunu idi"
"Tofiq Bəhramov"dakı bugünkü oyunun formaları - Şəkillər
