Millimiz Küveyt üzərində qələbəni əldən verdi

Bu gün millimiz növbəti yoxlama oyununu keçirib. Qol.Az-ın məlumatına görə, Berti Foqtsun çalışdırdığı millimiz Küveytlə qüvvəsini sınayıb. Bakıda baş tutan qarşılaşma yığmamız üçün böyük əhəmiyyət kəsb edib. Çünki bu qarşılaşma startına cəmi bir ay qalan seçmə mərhələ ərəfəsində komandamız üçün son sınaq olub. DÇ-2010-nun seçmə mərhələsindən bəri 7 yoxlama görüşü keçirən yığmamız bu matçla AÇ-2012-nin seçmə mərhələsinə hazırlığı yekunlaşdırıb.

Yoldaşlıq oyunu
11 avqust

21:00. Azərbaycan - Küveyt - 1:1

QOL: Elvin Məmmədov, 42 (1:0). Bader Almutva, 82 (1:1).
Baş hakim: Sergey Karasyov (Rusiya).
Baş hakimin köməkçiləri: Vitali Drozdov, İlya Barışnikov (Rusiya).
Dördüncü hakim: Anar Salmanov (Azərbaycan).
Bakı. Tofiq Bəhramov adına Respublika stadionu.

AZƏRBAYCAN: 1. Kamran Ağayev, 14. Rəşad Sadıqov (k) (15. Ruslan Abışov, 46), 13. Vladimir Levin, 18. Maksim Medvedyev (2. Rail Məlikov, 46), 20. Ruslan Əmircanov (25. Cavid Hüseynov, 85), 6. Rəşad Sadiqov, (Samir Abasov, 65) 5. Elnur Allahverdiyev, 10. Elvin Məmmədov, (19. Rahid Əmirquliyev, 78) 4. Mahir Şükürov, 7. Vaqif Cavadov, 24. Fərid Quliyev (11. Rauf Əliyev, 46).
Ehtiyat oyunçular: 12. Fərhad Vəliyev, 23. Səlahət Ağayev, 8. Aleksandr Çertoqanov, 9, 16. Amit Quluzadə.
Baş məşqçi: Berti Foqts.
KÜVEYT: 1. Xalid Əl Rəşdi, 13. Yarah Alateqi, 18. Ahmer Əl Matuq (k) (8. Mesid Alenzi, 56), 16. Hamid Yusif, 4. Məhəmməd Sanad, 5. Saleh Alhendi, 3. Əli Məqsəd, 27. Xalid Əl Qahtani, 7. Xalid Matar, 15. Talal Alamer (10. Valid Yumah, 46), 17. Abduli Əl Şmali.
Ehtiyat oyunçular: 6. Xalid Əl Əzmi, 9. Talal Alenzi, 11. Hamad Alenezi, 12. Bader Almutva, 14. Əhməd Əl Rəşdi, 19. Fahad Şahen, 20. Ahdel Əl Şamari, 21. Fahad Alenezi,
Baş məşqçi: Qoran Tufeciç.

* Hazırda komandalar oyunqabağı son məşqə çıxıblar.

Oyun başladı

4. Fərid Quliyev yaxın məsafədən hesabı açmağa yaxın olsa da, zərbəsi dəqiq olmur və kornerə çıxır

8. Rəqib müdafiəçilərin kobud səhvindən sonra Fərid topa yiyələnib, irəliləsə də, zərbəsini rəqib qolkiper zərərsizləşdirir

14. Rəqibimizin ilk təhlükəli hücumu. Sadıqov çətinliklə də olsa, küveytli oyunçunun qapıya zərbə endirməsinə mane olur

16. Mahirin iti bucaq altından qüvvətli zərbəsini rəqib qapıçı çətinliklə də olsa, qaytara bildi

Hazırda oyun daha çox meydanın mərkəzində davam edir

26. Hava çox isti olduğundan hər iki komandanın oyunçularına su içmək üçün qısa fasilə verilir

31. Elnur rəqib oyunçunu cərimə meydançası qarşısında kobudluqla dayandırır. Lakin küveytlilərin cərimə zərbəsi canlı səddə dəyib kornerə çıxır. Kornerdən də heç nə edə bilmirlər

33. Sağ cinahda Mahiri yıxırlar. Cərimə zərbəsini Şükürov özü yerinə yetirir. Lakin onun qaldırdığı topa cərimə meydançasında rəqib oyunçular daha tez toxunaraq, geri qaytarırlar

37. Vaqifin uzaqdan zərbəsi qapının üstündən keçir

38. Abduli Əl Şmali Kamranla üz-üzə qalsa da, zərbəsi azca fərqlə çölə çıxır

42. QOOOOOOOOOOOOOOOOOOOOOOOOOLLLL. Elvin Məmmədov Mahirin ideal ötürməsindən sonra yaxın küncü dəqiq nişan alır - 1:0

Komandamız təzyiqlərini davam etdirir. Ancaq rəqib komanda hücumlarımızın qarşısını dəqiqliklə kəsə bilir

Birinci hissə başa çatdı

İkinci hissə başladı

46. Millimiz ikinci hissəyə əvəzetmələrlə başladı. Foqts Maksimin əvəzində meydana Raili, Rəşad Sadıqovun yerinə Ruslan Abışovu, Fəridin əvəzində isə Rauf Əliyevi meydana buraxdı.

46. Rəqib komandanın da heyətində dəyişiklik edildi. Talal Alamerin əvəzində meydana Valid Yumah çıxdı.

55. Hamid Yusifin təhlükəli zərbəsini son anda Kamran barmaqlarının ucuyla kornerə çıxarır

56. Qonaqların heyətində növbəti əvəzləmə. Ahmer Əl Matuqun əvəzində meydana Mesid Alenzi çıxır.

58. Mahirin qüvvətli zərbəsini qapıçı çətinliklə də olsa kornerə çıxardı

59. Komandamızın daha bir təhlükəli qol vəziyyəti. Yenə qapıçı əla reaksiya nümayiş etdirir

65. Rəşad Sadiqovun əvəzində meydana Samir Abbasov çıxdı

71. Raufun uzaqdan zərbəsini qapıçı son anda kornerə çıxara bildi

78. Elvin Məmmədovun əvəzində meydana Rahid Əmirquliyev çıxdı

82. Bader Almutva hesabı bərabərləşdirir - 1:1

Oyunun əsas vaxtına 3 dəqiqə əlavə olunur

Oyun başa çatdı