15.12.25
Azərbaycanın 21 yaşadək futbolçulardan ibarət milli komandasının baş məşqçisi Berndhard Lippertin Qol.Az saytına müsahibəsi
- Sabah komandamız moldovalı həmyaşıdları ilə yoxlama oyunu keçirəcək. Bu matç ərəfəsində futbolçularımızın durumu sizi qane edir?
- Bildiyiniz kimi, Azərbaycanda futbol mövsümü yenicə başa çatıb. Sözsüz ki, bu dəqiqə oyunçularımızın durumu yaxşı deyil. Təkcə bizdə yox, rəqibdə də eyni vəziyyətdir.
- Komandaya yeni heyətə cəlb olunan futbolçuların imkanlarından seçmə mərhələdə istifadə edəcəksiniz?
- Bilirsiniz, bu gün bizim Berti Foqtsun rəhbərlik etdiyi milli komandada da bir neçə futbolçumuz var. Foqts onların sınaqdan keçirir. Bizim ehtiyat qüvvəmiz hər zaman hazır olmalıdır ki, Berti Foqts əsas komandaya U-21-dən futbolçuları cəlb etdikdə bizim üçün çətin olmasın.
Məhz bu səbəbdən biz bu təlim-məşq toplanışını təşkil etmişik. Burada özünü ən yaxşı tərəfdən göstərənləri seçəcəyik. Üstəgəl A milli komandadan gələnlərlə də komandanı formalaşdırıb Avropa çempionatının seçmə mərhələsində Albaniya və Belarusla oyunlarına hazırlaşacağıq. Həmin görüşlərdə mən hazırlığı ən yüksək səviyyədə olan futbolçulara şans verəcəyəm.
- U-21-ə cəlb olunan futbolçuların çoxusu öz klublarında əsas heyətdə oynamır. Bu amil sizi narahat etmir?
- Mən özüm də iki ildir müraciət edirəm ki, hər bir klubun əsas heyətində U-21-in ən azı bir futbolçusu olmalıdır, U-19-un bir futbolçusu isə ən azı «18»liyə düşməlidir. Amma hələ buna nail ola bilməmişik. Azərbaycan futbolunun səviyyəsi istədiyimiz kimi deyil. Mənim də Buzovnaya, Lökbatana gedib futbolçu tapmaq xoşuma gəlmir. İndi bizim klublarda əsas heyətdə gənc futbolçulara çox yer verilməlidir. Təəssüf ki, bu, çox azdır. Və bu məsələ məni ciddi şəkildə narahat edir.
- Yeri gəlmişkən, əksər klublarımızda yerli gənc futbolçulara deyil, daha çox legionerlərə üstünlük verilməsi narazılıq doğurur. Bu məsələylə bağlı sizin fikirləriniz necədir?
- Biz məşqçilər bununla bağlı qərar vermək səlahiyyətində deyilik. Yalnız təkliflərimizi federasiyanın ən yüksək səviyyəli şəxslərinə çatdırırıq. Bu məsələ ilə bağlı federasiya ilə PFL birgə dəyişiklik edə bilər. Mən də AFFA-nın bir əməkdaşı kimi Azərbaycanda futbolun inkişafı üçün əlimdən gələni etməyə çalışıram. Bu mənada, AFFA və PFL elə etməlidir ki, legionerlərlə bağlı qərar verəndə həm millinin, həm də klubların marağını qoruya bilsin. Çünki klubların iqtisadi maraqlarını nəzərə almaq lazımdır. Həm də elə etmək lazımdır ki, Azərbaycana daha çox səviyyəli legionerlər gəlsin. Əlbəttə ki, bu, futbolun inkişafına təkan verən amil ola bilər.
- Moldovayla sabahkı yoxlama oyununda qarşısınıza qələbə məqsədi qoymusunuz, yoxsa daha çox taktiki gedişlərinizi sınaqdan çıxaracaqsınız?
- Mənim məşqçi kimi ən böyük məqsədlərimdən biri odur ki, bütün oyunlarda qələbə qazanam. Bütün oyunları udmaq istəmirsənsə, bu, çox pis hal olar. Moldova ilə qarşılaşmada bizə uğurlu nəticə lazımdır. Nəticə qədər bizə futbolçuların xarakterinin hansı səviyyədə olduğunu da bilmək önəmlidir.
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
Kukurelya La Liqaya qayıda bilər
"Qalatasaray" 3 futbolçusu ilə yollarını ayırır
İbrahimoviçdən Olimpiya mesajı gəldi
“İmişli” - “Karvan-Yevlax” matçından - Video
"Bavariya"nın kapitanı sıradan çıxdı
Komanda ardıcıl uduzdu, baş məşqçi istefaya göndərildi
"Neftçi" - "Sumqayıt": Heyətlər
Tanınmış futbolçu təyyarədə kobudluq etdi - Video
Saatlıda 5, Şəmkirdə 1 qol, Lökbatanda oyun baş tutmadı
"Bavariya" Noyeri itirdi
"Matçın ədalətli nəticəsi bərabərlik idi" - Füzuli Məmmədov
"Milan"da yeni müqavilə
2-ci liqada “Ayın qolu”nun qalibi mükafatlandırıldı
"Sumqayıt"ın legioneri milliyə çağırıldı
"İmişli" - "Karvan Yevlax": Heyətlər
"Qarabağ" qışda yeni transferlər edəcək? - Açıqlama
"Biz yıxılarıq, durarıq, amma sınmarıq" - Qurban Qurbanov
"Liverpul" danışıqlara başladı
Qurban Qurbanova ilin məşqçisi mükafatı təqdim edilib
Messinin rekordunu qırdı
Azərbaycan çempionatlarında tarixi oyun
Zubirin yubiley oyunu
Toral Bayramov üçün əlamətdar matç
Əvvəl “Qarabağ”a qalib gəldilər, sonra “Feyenoord”a
"Trabzonspor" - "Beşiktaş" matçında 6 qol - Video
Zamiq oynadı, komandası qalib gəldi
"Bavariya" autsayderlə oyunda xal itirdi - Video
“Arsenal” Bundesliqada çıxış edən qapıçı ilə maraqlanır
"Real" bəzi futbolçuları ilə sağollaşmağa hazırlaşır
İngiltərə klubunda yeni antirekord
“Qarabağ”dan möhtəşəm qələbə - Video
"Mançester Siti"dən inamlı qələbə, Haaland dubl etdi
Türkiyədə baş məşqçi klubu tərk edir
