«Biz «Xəzər Lənkəran»la sabahkı oyuna ciddi hazırlaşmışıq. Düzdür, çempionluq şansımız azdır, amma yarışlarda birinci yeri tutmaq istəyirik». Bu sözləri Qol.Az-ın müxbirilə söhbətində «Bakı»nın seneqallı qapıçısı Halidu Sissoko deyib. «Çempion olmaq istəyiriksə, mütləq sabahkı oyunda qələbə qazanmalıyıq. Biz yalnız bundan sonra digər oyunların nəticəsini gözləyəcəyik. Bizi ilk növbədə öz oyunumuz maraqlandırır. «Xəzər Lənkəran»ı udsaq, ən pis halda üçüncü yeri tutacağıq ki, bunun özü də medaldır. Düzdür, qızıl qədər dəyəri olmasa da, hər halda medal qazanmaq xoşdur» - deyə o vurğulayıb.
«Bakı»nın «Xəzər Lənkəran»ın çempion olması üçün bu komandaya bilərəkdən xal verəcəyi haqda dolaşan söhbətlərə toxunan Sissoko bu haqda xəbərlərin onlara da çatdığını bildirib: «Amma hamımız peşəkar futbolçularıq, ona görə də deyilənləri yaxına buraxmırıq. Biz meydana çıxıb öz oyunumuzu oynayıb qələbə qazanmağa çalışacağıq».
«Xəzər Lənkəran»lı azarkeşlərlə problemi olan Sissoko sabah baş verə biləcək mümkün insidentə də toxunub: «Baş məşqçi mənə şans verəcəyi halda, kişi kimi söz verirəm ki, onlarla heç bir problemim olmayacaq və təxribata getməyəcəyəm. Qeyd etmək istəyirəm ki, buna qədər olan insidentlərdə təkcə mənim deyil, lənkəranlı azarkeşlərin də təqsiri olub. Amma bu dəfə eyni hallar təkrarlanmayacaq».
Xatırladaq ki, Unibank Premyer Liqasının sonuncu turunun «Xəzər Lənkəran» - «Bakı» oyunu sabah saat 17.15-də başlayacaq.
Arda Güler son 5 oyunda 5-ci qolunu vurdu
"Fənərbaxça" 10 nəfərlə "Qalatasaray"a qalib gəldi
Azərbaycan millisi ikinci oyununda da uduzdu
Derbidən əvvəl ara qarışdı - Şəkillər
"Mançester Siti" 10-cu dəfə İngiltərə çempionu oldu
"Sabah"ın U-14 komandası beynəlxalq turnirin qalibi oldu
"Qəbələ" "Araz-Naxçıvan"a belə qalib gəldi - Video
"3 qol buraxdığıma görə utanıram" - "Qarabağ"ın qapıçısı
"Qəbələ"dən ardıcıl 3-cü qələbə
Asif Məmmədova 250 nömrəli forma təqdim olundu
"Sabah" Türkiyədə 4-cü oldu
"Bayer" bunu bacaran ilk klubdur
"Qəbələ" - "Araz-Naxçıvan": Heyətlər
Ataa Caber: "Qələbə mənim qolumdan vacibdir”
"Yuventus" müvəqqəti baş məşqçisini açıqladı
"İnanıram ki, "Sabah"ı məğlub edəcəyik"
Klopp: "İngiltərədə başqa komandaya baş məşqçilik etməyəcəm"
Mourinyo "Beşiktaş"a gəlməyə razılaşdı
Filip Ozobiç: "Yalnız "Neftçi" haqqında düşünürəm"
Messili "İnter Mayami" qalib gəldi