19:38
Milli komandamızın keçmiş üzvü, «Qarabağ»ın yarımmüdafiəçisi Aslan Kərimov İngiltərə - Azərbaycan oyununda start heyətinin futbolçular Qurban Qurbanov və Rəşad Sadıqov tərəfindən müəyyən edilməsi ilə bağlı son günlər səslənən fikirlərə münasibət bildirib. Qol.Az-ın «Çempion Azərbaycan» qəzetinə istinadən verdiyi məlumata görə, futbolçular tərəfindən heyətə müdaxilə olunma faktını təsdiqləyib: “Bəli, belə bir şey olub. Daha doğrusu, Torresin İngiltərə ilə oyunda tribunada əyləşmək tələbinə dair bir söz deyə bilmərəm. Amma heyətin qurulmasında təkcə Qurban Qurbanovla Rəşad Sadıqov yox, digər aparıcı futbolçular da iştirak etdilər. Bu, braziliyalıya qarşı futbolçuların “qiyam”ı deyildi. Əksinə, Polşaya 0:8 hesablı məğlubiyyətdən sonra Torres özü futbolçulara bu təklifi etdi. Həqiqətən də ağır məğlubiyyət idi. O cür məğlubiyyətdən 3 gün sonra çıxıb İngiltərə kimi dünya səviyyəli milliyə qarşı oynamaq çox çətin idi. Məncə, Torres o cür addım atmaqda düzgün hərəkət elədi və seçimi futbolçuların ixtiyarına buraxdı. Dedi ki, “bəlkə mən sizi başa düşmürəm, buyurun, yol göstərin?” Yenə deyirəm, həmin vaxt İngiltərə önünə çıxacaq heyətin qurulmasında təkcə Qurban Qurbanov və Rəşad Sadıqov yox, digər təcrübəli futbolçular da iştirak etdilər. Çünki ortada Azərbaycanın adı var idi. Əgər çıxıb İngiltərəyə də 0:8 hesabı ilə məğlub olsaydıq, bu zaman artıq futbolçular üçün də böyük biabırçılıq olacaqdı”.
İsveçdə son oyun
Azərbaycanlı futbolçu dünyasını dəyişib
Ter Ştegen 4 ay yaşıl meydanlardan uzaq qala bilər
"Mançester Siti" 18 yaşlı oyunçunu transfer etdi
"İmişli"dən yeni transfer
Elmar Baxşıyev "Trabzonspor" üzərində qələbəni şərh etdi
"Neftçi" Polşadakı ilk oyununda heç-heçə etdi
"Çelye" - "Sabah": Heyətlər
"Karvan" yeni transferini reallaşdırdı
"Araz-Naxçıvan" "Trabzonspor"a qalib gəldi
"Qarabağ" yeni transferini rəsmən açıqladı - Şəkillər
"Mançester Yunayted" onun üçün 70 milyon təklif etdi
