19:38
“Simurq” PFK-nın Peşəkar Futbol Liqasına (PFL) ünvanladığı məktuba əsasən, klub sponsorları və baş məşqçi ilə məsləhətləşmələrdən sonra, eləcə də növbəti tura hazırlaşmaq üçün vaxtın məhdud olmasını nəzərə alaraq, 20 mart 2010-cu il tarixdə Unibank Premyer Liqasının XXIV turu çərçivəsində “Simurq” və “Olimpik-Şüvəlan” klubları arasındakı oyunun 23 mart 2010-cu il tarixində keçirilməsi “Simurq” PFK tərəfindən məqsədəuyğun sayılmayıb. Qol.Az-ın PFL-in rəsmi saytına istinadən verdiyi məlumata görə, bu haqda qurumun bu gün yaydığı açıqlamada bildirilib: «Bunu nəzərə alaraq PFL tərəfindən “Olimpik-Şüvəlan” klubunun martın 20-də keçirilməli olan Unibank Premyer Liqasının XXIV turunun “Simurq” - “Olimpik-Şüvəlan” oyununun 23 mart tarixinə təxirə salınması haqqında vəsatəti təmin edilməyib» - deyə məlumatda qeyd olunub.
Həmçinin bildirilib ki, milli-mənəvi dəyərlərimizdən olan Novruz bayramı təkcə “Olimpik-Şüvəlan” klubu üçün deyil, Unibank Premyer Liqasında çıxış edən digər 11 klub üçün də bayramdır: «Qeyd edək ki, bu klublardan heç biri Unibank Premyer Liqasının XXIV turunun təxirə salınması ilə əlaqədar PFL-ə müraciət etməyib. Dünyanın bir çox ölkələrində bayram günlərində milli çempionat oyunlarının keçirilməsi praktikası tətbiq olunur.
Unibank Premyer Liqasının XVII turunun oyunlarının Yeni İl ərəfəsində 1-2 gün irəli tarixə keçirilməsi ilə əlaqədar bildirmək istəyirik ki, həmin tur ilin son oyun günü olduğundan, həmçinin bir çox klubların legioner futbolçuların aviabilet məsələsində problemlərin yaranmaması üçün PFL-ə etdikləri müraciətləri anlayışla qarşılanıb və oyunlar daha irəli tarixə dəyişdirilmişdi.
Peşəkar Futbol Liqası olaraq bir daha bildiririk ki, Unibank Premyer Liqasının oyunlarının təqvimi hər hansı bir klubun fərdi istəyinə uyğun olaraq dəyişdirilə bilməz».
İsveçdə son oyun
Azərbaycanlı futbolçu dünyasını dəyişib
Ter Ştegen 4 ay yaşıl meydanlardan uzaq qala bilər
"Mançester Siti" 18 yaşlı oyunçunu transfer etdi
"İmişli"dən yeni transfer
Elmar Baxşıyev "Trabzonspor" üzərində qələbəni şərh etdi
"Neftçi" Polşadakı ilk oyununda heç-heçə etdi
"Çelye" - "Sabah": Heyətlər
"Karvan" yeni transferini reallaşdırdı
"Araz-Naxçıvan" "Trabzonspor"a qalib gəldi
"Qarabağ" yeni transferini rəsmən açıqladı - Şəkillər
"Mançester Yunayted" onun üçün 70 milyon təklif etdi
"Napoli" yeni transferini açıqladı
