19:38
Peşəkar Futbol Liqasının (PFL) prezidenti Ramin Musayev «Olimpik-Şüvəlan» klubunun son bəyanatına münasibət bildirib. Qol.Az-ın müxbiri ilə söhbətində R.Musayev PFL-in futbolçuların hüquqlarını pozması barədə «Olimpik-Şüvəlan»ın iddialarını qəbul etmədiyini bildirib: «Olimpik-Şüvəlan» Novruz bayramı günlərində oyunlarının təxirə salınmasını istəyir. Biz də onlara «yox» cavabı vermişik. Mən başa düşə bilmirəm, futbolçu bayram günü oynamasın, mart ayında ümumiyyətlə, meydana çıxmasın, bəs onda futbol nə zaman olacaq? «Olimpik-Şüvəlan»ın oyunu Novruz bayramına düşürsə, lap yaxşı, zəhmət çəkib, elə həmin günü futbollarını oynasınlar. Birdə ki, martın 20-si iş günü hesab edilmir, camaatın futbola baxmağa vaxtı olacaq, gedib «Olimpik-Şüvəlan»ın oyununu stadiondan izləyərlər».
«Olimpik-Şüvəlan» bildirir ki, Yeni il ərəfəsinldə bəzi klubların oxşar müraciəti müsbət cavablandırılmışdı. Bu haqda nə deyə bilərsiniz» sualına R.Musayevin cavabı belə olub: «Biz o vaxt belə bir qərarı bayrama görə deyil, legioner futbolçuların aviabilet məsələsində problemləri yaranmaması üçün vermişdik».
Xatırladaq ki, «Olimpik-Şüvəlan» «Simurq»la martın 20-də keçirilməsi nəzərdə tutulan oyunun martın 23-nə keçirilməsi xahişi ilə PFL-ə müraciət etsə də, qurum buna rədd cavabı verib.
İsveçdə son oyun
Azərbaycanlı futbolçu dünyasını dəyişib
Ter Ştegen 4 ay yaşıl meydanlardan uzaq qala bilər
"Mançester Siti" 18 yaşlı oyunçunu transfer etdi
"İmişli"dən yeni transfer
Elmar Baxşıyev "Trabzonspor" üzərində qələbəni şərh etdi
"Neftçi" Polşadakı ilk oyununda heç-heçə etdi
"Çelye" - "Sabah": Heyətlər
"Karvan" yeni transferini reallaşdırdı
"Araz-Naxçıvan" "Trabzonspor"a qalib gəldi
"Qarabağ" yeni transferini rəsmən açıqladı - Şəkillər
"Mançester Yunayted" onun üçün 70 milyon təklif etdi
