Bülənt Qorxmaz: «Mən «Bakı»da qalmaq istəyirəm»

Bülənt Qorxmaz: «Mən «Bakı»da qalmaq istəyirəm»
ÖLKƏ FUTBOLU 1 Mart 2010 / 15:57 2691
-  A +

«Azərbaycana gələndə «Bakı» komandasının rəhbərliyindən üç şey istədim: baza yaratmaq, aşağı yaş qrupları üzrə komandalar formalaşdırmaq və təcrübəmi futbolçularla bölüşmək. Əlbəttə, Azərbaycan futbolu Türkiyə futbolu ilə müqayisədə geridədir. Çünki bazalar azdır, stadionların ot örtüyü elə də yaxşı deyil». Qol.Az-ın məlumatına görə, bu sözləri Türkiyənin «Zaman» qəzetinə müsahibəsində «Bakı»nın baş məşqçisi Bülənt Qorxmaz söyləyib. O, Azərbaycan çempionatına böyük marağın olmadığını da bildirib: «Azərbaycan futbolunun zamana ehtiyacı var. Şəxsən mənim istəklərim «Bakı»da yerinə yetirildi. Amma komandada bəzi çatışmazlıqlar var. Bu problemləri yoluna qoymaq üçün daha da çalışmaq lazımdır».
Bülənt Qorxmaz «Bakı» ilə müqaviləsinin bu mövsümün sonu başa çatdığını xatırladıb: «Bundan sonra komanda rəhbərliyi ilə danışıqlarımız olacaq. Komandada qalıb-qalmayacağımı indidən deyə bilmərəm. Amma mən «Bakı»da qalmaq, Azərbaycan futboluna fayda vermək istəyirəm. Ümid edirəm ki, mənim istədiklərim olacaq».

Daha çox


Son xəbərlər
15.12.25  10:51

Zubirin yubiley oyunu