“Olimpik-Şüvəlan”ın üzvü İlqar Qurbanovun Qol.Az saytına müsahibəsi.
-Mövsümün əvvəlində böyük ümidlərlə “Olimpik-Şüvəlan”a transfer olunan İlqar Qurbanov yalnız XXII turda yeni komandasında qol hesabını açdı. Bunun səbəbini nədə görürsən?
- Mənim əsas vəzifəm qol vurmaq yox, komandamın uğurlu çıxış etməsinə yardımçı olmaqdır. Mən fərqlənməsəm də, olar. Əsas odur ki, “Olimpik-Şüvəlan” qələbə qazansın, çempionatda uğurlu çıxış etsin. Amma ümumi götürdükdə, hər bir oyunçu kimi mən də daha çox qol vurmaq istəyirəm.
- Dedin ki, əsas sənin fərqlənməyin yox, “Olimpik-Şüvəlan”ın uğurlu çıxış etməsidir. Amma komandanın ilk mərhələdəki çıxışına heç cür uğurlu demək olmaz. Ən azından ona görə ki, ilk “altılıq”dan kənarda qaldınız...
- Düzdür, bu fikirlə tam razıyam. Çıxışımıza heç cür uğurlu demək olmaz. Ona görə ki, komanda həlledici mərhələdən kənarda qaldı. Amma indi qarşıda bizi kubok oyunları gözləyir. İndi bütün diqqətimizi məhz kuboka yönəltmişik. Mövsümü boşa verməmək üçün məhz kubokda uğurlu çıxış etməliyik.
- “Olimpik-Şüvəlan”ın ilk “altılıq”dan kənarda qalmasının səbəbini nədə görürsən?
- Biz bəzi oyunlarda çox uğursuz çıxış etdik, lazımsız xal itkilərinə yol verdik. Əgər həmin səhvləri etməsəydik, indi artıq biz də əsas mərhələdəydik.
- Komandanın uğursuz çıxışına məşqçi dəyişikliyi nə dərəcədə təsir etdi?
- Əsgər Abdullayev komandada artıq 4 il idi ki, çalışırdı. “Olimpik-Şüvəlan”ın pis günündə, yaxşı günündə də komandaya o rəhbərlik edirdi. Hətta iki il əvvəl məhz onun rəhbərliyi altında komanda çempion adını da qazanmağa yaxın idi. Lakin futbolda məşçi dəyişikliyi qaçılmazdır. Hesab edirəm ki. Nazim Süleymanovun gəlişindən sonra komandada yaxşı mənada dəyişiklik hiss olunur. Amma əvvəkli turlarda itirdiyimiz xallar bizə ilk “altılığ”a vəsiqə qazanmağa mane oldu.
- Kubokda “Simurq”u mübarizədən kənarlaşdırmaq mümkün olacaq?
-Bizim də istəyimiz budur. Kubok mübarizəsi hər zaman bir qədər fərqli alınır. İndiki halda “Simurq”u mübarizədən kənarlaşdırıb, yarımfinala vəsiqə qazanmaq istəyirik. Hazırda avrokuboklara vəsiqə qazanmaq üçün yeganə yolumuz məhz kuboku qazanmaqdan keçir. Buna görə də mövsümü boşa verməmək adına bütün gücümüzü ortaya qoyacağıq.
- İlk “altılıq”dan kənarda qaldıqdan sonra “Simurq” 7 aparıcı futbolçusu ilə vidalaşdı. Bu amili sizin üçün əlavə üstünlük hesab etmək olar?
- Sözün açığı, mən əvvəlcə “Simurq”un ilk “altılığ”a vəsiqə qazanacağına yüz faiz əmin idim. Onların həlledici mərhələdən kənarda qalması mənim üçün sürpriz oldu. O ki qaldı heyətdəki dəyişikliklərə, yəqin ki, futbolçuları çoxdur. Bu səbəbdən belə addım atıblar.
- Mövsümün sonuna elə də çox qalmayıb. Artıq indidən gələcək karyeranla bağlı nə düşünürsən?
- Sözün açığı, hazırda bütün diqqətimi “Olimpik-Şüvəlan”ın uğurlu çıxışına yönəltmişəm. Mövsümün sonunacan çox şey dəyişə bilər. Buna görə də indidən gələcək karyeramla bağlı nəsə açıqlama verməyim düz çıxmaz. Qışda təkliflər var idi, amma müqaviləm olduğu üçün qaldım.
- Son günlər Bülənt Uyğunun “Neftçi”nin baş məşqçisi postuna gətiriləcəyi deyilir. Sən Bülənt Uyğunun rəhbərliyi altında “Sivasspor”da çıxış etmisən. Onu yaxından tanıyan biri kimi, necə düşünürsən, Uyğun “Neftçi”yə nə dərəcədə xeyir verə bilər?
- Bülənt Uyğun çox yaxşı məşqçidir. O əsl peşəkardır. Azərbaycanda bəzən klub rəhbərləri məşqçilərin işinə qarışırlar. Amma Bülənt Uyğun belə bir şeyə heç vaxt yol verməz. İnanıram ki, o “Neftçi”yə gəlsə, komandaya böyük uğurlar qazandıracaq. Ən azından “Neftçi” avrokuboklara vəsiqə qazanacaq. Qışda Bülənt Uyğun mənimlə əlaqə saxladı və “Neftçi”dən təklif aldığını dedi. Məndən komandadakı futbolçular haqda soruşdu. Amma son günlər mənimlə bu barədə əlaqə saxlamayıb.
- Bülənt Uyğun “Neftçi”yə gəlsə, səni də həmin komandada görə bilərik?
- Ola bilər. İndidən amma bu haqda nəsə demək tezdir. Amma Bülənt hoca istəsə, məmnuniyyətlə, ona kömək edə bilərəm. Bizim onunla yaxşı əlaqələrimiz var. İndinin özündə də münasibətlərimiz yüksək səviyyədədir.
"Borussiya" PSJ-yə qarşı
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi
"Prinsipim Rəşad Sadıqovla deyil" - Elmar Baxşıyev
"Real" "Bavariya" ilə oyun üçün iştirak ərizəsini açıqladı
"Araz-Naxçıvan" "Zirə"yə belə qalib gəldi - Video
“Zirə” “Araz Naxçıvan”a uduzdu
Mehriban Əliyeva Avropa çempionunu təbrik etdi
"Bakı Sportinq"im 5 cavabsız qolu - Video
Liderdən darmadağın, "Cəbrayıl"dan qələbə
"Zirə" - "Araz-Naxçıvan": Heyətlər
"Milan" müdafiəçisi ilə yolları ayırır