Milli komandamızın üzvü Daniel Axtyamovun Qol.Az saytına müsahibəsi
- Bir müddət əvvəl Qazaxıstanın “İrtış” klubunun düşərgəsində olsan da, bəyənilmədin. “İrtış”a transferinin baş tutmamasını nə ilə izah edirsən?
- Həqiqətən də “İrtış”da baxışda idim. Əvvəlcə orada işlərim pis getmirdi. Hətta yoxlama oyunlarının birində qol da vurdum. Lakin növbəti oyunda zədə aldım. Transferin baş tutmamasını da bununla əlaqələndirirəm. Mənə elə gəlir ki, zədə almasaydım, bəlkə də transferim baş tutardı.
-İndi haradasan?
-Hazırda Rusiyadakı evimdəyəm. Zədəmi müalicə etdirirəm. İndi məni yalnız tezliklə zədəmi bərpa etmək maraqlandırır.
- Həkimlər zədənlə bağlı nə deyirlər? Nə vaxt meydana qayıda biləcəksən?
- Konkret vaxt deməyiblər. Müalicəmi davam etdirirəm. Mən də çalışıram ki, tezliklə zədəmi bərpa edim.
- Amma belə çıxır ki, hələ bir müddət də klubsuz qalacaqsan?
- İndiki halda əlimdən bir iş gəlmir. Zədəm sağalandan sonra özümə yeni klub tapmağa çalışacağam.
- “Simurq”a böyük ümidlərlə transfer olunsan da, tezliklə komandadan ayrıldın...
- “Simurq”dan getməyimin yalnız bir səbəbi var. Orada mənə güvənmirdilər. Özümü göstərmək üçün şans vermirdilər. Buna görə də getmək qərarına gəldim. Klubun prezidenti ilə də ümumi dil tapa bilmədik.
- Baş məşqçi Roman Pokora gedişinə nə dedi?
- Heç nə demədi.
- Komandada sənə qarşı münasibət necə idi?
- Normal. Amma sonradan aramızda sanki anlaşılmazlıq yaranmışdı. Onlar mənə güvənmirdilər. Meydana yalnız çox nadir hallarda çıxırdım.
- Ümumiyyətlə, “Simurq”a transferin necə alındı? Komandaya tapşırıqla götürüldüyün barədə xəbərlər yayılmışdı...
- Bu sözləri mən də eşitmişdim. Amma insanları başa düşmürəm. Axı necə belə söz demək olar? “Simurq”da mən yalnız oynayıb, özümü göstərmək istəyirdim. Amma mənə lazımı qədər şans vermirdilər. Bu da mənə çox pis təsir edirdi. Halbuki mən oynayıb, özümü göstərmək və deyilənlərin əksinə olaraq, zəif futbolçu olmadığımı sübuta yetirmək istəyirdim.
- Səni milliyə dəvət etdiyi üçün milli komandamızın baş məşqçisi Berti Foqts mətbuat tərəfindən çoxlu tənqid olunurdu...
- Bu haqda imkan düşdükcə oxuyurdum. Əlbəttə, haqqımda yazılanlar mənə çox pis təsir edirdi. Mən də çox istəyirdim ki, Azərbaycan milli komandasına kömək edim.
- Milli komandamızın növbəti təlim-məşq toplanışına dəvət almadın. Bundan xəbərin var?
- Hə, bilirəm.
- Fikrincə, Foqts nəyə görə səndən imtina etdi?
- Axı mən zədəliyəm.
- Məgər Foqtsun bundan xəbəri var?
- Əlbəttə, xəbəri var. Elə buna görə də mənə dəvət göndərmədi. Digər tərəfdən yəqin ki, indiki halda klubsuz olmağım da Foqtsun qərarına təsir göstərib.
- Milli komandamız fevral ayının 25-də səfərdə İordaniya yığması ilə qarşılaşacaq. Bu matç proqnozun necədir?
- Ümumiyyətlə bu cür təlim-məşq toplanışlarının milli komandaya yalnız xeyri dəyə bilər. İnanıram ki, İordaniya ilə matçda komandamız əzmkar mübarizə mübarizə aparacaq. Nəticə bir o qədər də önəmli deyil. Önəmli olan bu oyunda qazanılacaq təcrübədir.
Qvardiola peşmandır
"Real"ın yeni ağsaqqalı!
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger
“Şahdağ Qusar” - “Füzuli” matçında 6 qol - Video
"Barselona"da qalmaq qərarımın səbəbi sadədir" - Xavi
"Şəfa" və "Qusar"dan qələbə
“Araz Saatlı”nın məşqçisinə 2 oyunluq cəza
Van Persi Niderland klubu ilə razılığa gəldi
"Barselona" hücumçusunu icarəyə verəcək
PSJ-nin Luis Enrike qərarı
Levandovskidən "Barselona" tarixinin rekordu
"Hamı mənə dəstəkdir" - Musa Qurbanlı
"Fire League"da qrup mərhələsi başa çatdı
Almaniya təmsilçisinin futbolçusu gecə klubunda döyüldü
Azərbaycan U-21 millisi yoldaşlıq oyunu keçirəcək
"İnter" iki futbolçusu ilə müqaviləni uzadır
"Borussiya" - PSJ oyununun hakimləri bilindi
Ronaldo Braziliya klubunu satdı
Acun alacağı yeni klubun adını açıqladı
İdman direktoru baş məşqçi təyin olundu
Yunanıstan mediası Terimin istefaya göndəriləcəyini yazır
Arda: "Real" mənə Modriçin varisi olacağımı dedi"
"Qarabağ" - "Neftçi" oyununun stadionu dəyişdirildi
Rəşad Sadıqovun ittihamı kimlərə yönəlib? - Video
"Mançester Yunayted"də qalacaqlar
"Bavariya" - "Real" oyununu göstərəcək kanallar
Levandovski: "Bu yay "Barselona"dan ayrılmağım mümkün deyil"
Azərbaycan millisinin üzvündən qol ötürməsi - Video
"Lester" çempion oldu
“Barselona”dan əzmkar qələbə
A seriyasında 34-cü tura yekun vuruldu
Cəlalın komandası qələbəni əldən verdi - Video
“Bavariya” – “Real” oyununa hakim təyinatları müəyyənləşdi