Bernhard Lippert: “Hazırkı heyətdən 8-10 nəfər komandanı tərk edəcək”

Bernhard Lippert: “Hazırkı heyətdən 8-10 nəfər komandanı tərk edəcək”
XƏBƏR 25 Yanvar 2010 / 17:37 2004
-  A +

21 yaşadək futbolçulardan ibarət milli komandamızın baş məşqçisi Bernhard Lippert futbolçularının fiziki hazırlığından şikayətlənib. Qol.Az-ın məlumatına görə, almaniyalı mütəxəssis AFFA-nın rəsmi internet saytına verdiyi müsahibədə “Reyncers”ə məğlubiyyəti məhz bu amillə əlaqələndirib: “Reyncers”ə uduzmağımızın əsas səbəbi futbolçuların fiziki hazırlığının istənilən səviyyədə olmaması idi. İlk hissədə yaxşı oynasaq da, fasilədən sonra uşaqlarda yorğunluq hiss olundu. Həm də futbolçularımız tələsirdilər, səbirsiz oyun nümayiş etdirdilər. Meydanda yorulmaları mövqelərində boşluqlar buraxmalarına səbəb oldu. Rəqib də bundan maksimum istifadə edib qələbə qazandı. Bugünkü oyuna gəlincə, qarşılaşma çətin hava şəraitində, güclü küləyin müşayiəti ilə keçdi. Amma havanın pis olması futbolçularımızın yaxşı oynamamasına bəraət qazandıran səbəb deyil. Oyunumuz alınmadı. Futbolçularımızın zəif oyunu komandada ciddi dəyişikliklər aparmalı olduğumuzla bağlı qənaətimizi daha da gücləndirdi. Hazırkı heyətdən 8-10 nəfər komandanı tərk edəcək”.
Lippert komandadan hansı futbolçuların gedəcəyini artıq müəyyənləşdirilib: “Kimlərlə vidalaşacağımızı müəyyənləşdirmişəm. Amma indi ad çəkmək istəmirəm. Bu barədə futbolçularla söhbətim olub. Hamısının xəbəri var. U-21-ə dəvət etməyi düşündüyümüz uşaqlar yalnız oyun təcrübəsinə görə buradakı futbolçulardan geri qalırlar. Onların beynəlxalq oyun təcrübəsi çoxalsa, qısa vaxt ərzində daha səviyyəli futbolçu olacaqlar. Artıq Avropa çempionatının seçmə mərhələsində heç bir şansımız qalmayıb. Növbəti oyunlarda U-19-un 5-6 üzvünü U-21-ə cəlb etmək fikrimiz var”.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı