Qurban Qurbanov «Borussiya»da

Qurban Qurbanov «Borussiya»da
XƏBƏR 24 Avqust 2011 / 13:10 3141
-  A +

«Qarabağ»ın baş məşqçisi Qurban Qurbanov sentyabrın ilk günlərində Almaniyanın Dortmund şəhərinə yola düşəcək.

Klubdan Qol.Az-a verilən məlumata görə, səfərdə məqsəd «Borussiya» klubunun düşərgəsinə qoşulmaq və orada təcrübə toplamaqdır.

Millinin oyunları ilə əlaqədar yaranacaq fasilədən maksimum yararlanmağa çalışan Qurbanovun səfər zamanı «Borussiya»nın baş məşqçisi Yurgen Kloppla görüşü də nəzərdə tutulub.

Qeyd edək ki, ötən il Avroliqada «Borussiya» ilə «Qarabağ» üz-üzə gəlmişdi. İki klub arasındakı münasibətlər də o vaxtdan yaranıb.

Xatırladaq ki, bu, Q.Qurbanovun təcrübə keçəcəyi ilk əcnəbi klub deyil. Bundan əvvəl, ötən ilin yanvarında «Qarabağ»ın çalışdırıcısı İstanbulun «Qalatasaray» klubunun da düşərgəsində olmuşdu.


Son xəbərlər
27.03.24  21:58

Keyn sağaldı