10:54
"Səbail"dən ayrıldıqdan sonra futbolçu karyerasını başa vuran və "Zirə"də baş məşqçi Rəşad Sadıqovun köməkçisi təyin olunan Eltun Yaqublunun müsahibəsi
- Karyeranızı belə erkən - 28 yaşınızda başa vurmağınıza nə səbəb oldu?
- Karyeramı erkən bitirməyimə 2018/2019 mövsümündə aldığım ağır zədə səbəb oldu. Axill vətərim qırılmışdı. Demək olar ki, 9 - 10 ay futbolsuz qaldım. Hiss etdim ki, əvvəlki formamı bərpa edə bilmirəm. Bu, futbolda olan çox nadir zədədir, istənilən oyunçunun gələcək karyerasına birbaşa təsir edir.
- Futbolla vidalaşmağında Rəşad Sadıqovdan gələn təklifin, məşqçi işləmək istəyinizin də təsiri oldumu?
- Bayaq düzgün qeyd etdiniz ki, 28 yaş futbolçu üçün elə də çox deyil. Bu yaşda karyeramı başa vuracağım ağlımdan keçməzdi. Amma özümü məşqlərə, oyunlara 100 faiz verə bilmirdim. Açığı, futbolla vidalaşmağı Rəşad Sadıqovdan təklif gəlməmişdən əvvəl qərara almışdım. Ötən mövsümün sonunda Aftandil Hacıyevlə danışıb karyeramı bitirmək istədiyimi ona bildirmişdim. O isə öz növbəsində mənə tələsməməyi və çempionat başa çatdıqdan sonra qərar verməyi məsləhət görmüşdü.
- Məşqçiliyə başlamağa necə qərar verdiniz?
- Rəşad Sadıqovla aramızda söhbət oldu, onunla məsləhətləşdim. Mənə məşqçi kimi bir yerdən başlamağı və kurslarda maariflənməyi tövsiyə etdi. Həmin vaxt Sadıqov "Zirə"yə baş məşqçi təyin olunmamışdı. Rəsmi təyinatdan sonra isə mənimlə görüşdü və məşqçilər heyətində yer almağımı təklif etdi. Mən də təklifi qəbul etdim.
- Maraqlıdır, Rəşad Sadıqovla söhbətinizdə daha nələrdən danışdınız?
- Geniş söhbətimiz baş tutdu və mənim üçün gənc yaşda məşqçiliyə başlamağın üstünlük olduğunu bildirdi. Bunun məşqçilik karyeramın uğurlu olması üçün önəm kəsb etdiyini söylədi. Əlimə düşən fürsətdən və vaxtdan səmərəli istifadə etməyə çalışacağam.
- Hansı daha çətindir: futbolçu, yoxsa məşqçi olmaq?
- Təbii ki, hər ikisinin özünəməxsus çətinlikləri var. Amma 10 günlük təcrübəmə əsasən onu deyə bilərəm ki, məşqçilik daha çətin və məsuliyyətlidir.
- Rəşad Sadıqovla "Qarabağ"da komanda yoldaşı olmusunuz. Kapitan kimi daha tələbkar idi, yoxsa baş məşqçi kimi?
- Gördüyüm qədərilə məşqçi Rəşad daha tələbkardır.
- Ümumiyyətlə, baş məşqçi Rəşad Sadıqovu necə xarakterizə edərdiniz?
- Tələbkar, istəkli və çox çalışqandır. Xüsusilə də futbolçularla münasibətdə çox həssasdır. Özünəməxsus yanaşma tərzi var.
Mənbə: Report
“Barselona” Lamin Yamalın həyat tərzindən narahatdır
“Qarabağ”ı liderliyə yüksəldən qələbə - Video
“Qarabağ” kimi komandaya qarşı oynamaq çətindir” - Berdiyev
Qurban Qurbanov: “Atletik” taktiki baxımdan güclüdür”
Yankoviç qayıtdı!
Yayda “Mançester Yunayted”dən ayrıla bilər
“Fənərbaxça”nın futbolçusu Braziliyaya qayıdır?
1-ci liqada 5-ci tura yekun vuruldu
“Kəpəz”in mövsümdə ilk qələbəsinin - Videosu
“Turan Tovuz” - “Qarabağ”: Heyətlər
Ayxan Abbasov: "Belə qırmızı vərəqələri bağışlamıram"
"Neftçi"nin sabiq futbolçusu ilə yollar ayrıldı
İngiltərə Premyer Liqası oyunçularının fantastik dəyəri
Azərbaycan millisi FİFA reytinqində irəliləyib
Ayın ən yaxşı qolunun müəllifləri mükafatlandırıldı
“Çelsi”nin ulduzu “Qarabağ”la oyunu buraxacaq
Yamal artıq pulsuz avtoqraf verə bilməyəcək
"Barselona"nın Qrizmannla müqaviləsi araşdırılır
"Şamaxı" - "Kəpəz": Heyətlər
Tribunalardan döyüş meydanlarına - Məhəmmədəli
Ronaldo 1000-ci qolu bu tarixdə vuracaq? - Proqnoz
Fransa millisinin üzvü ilə müqavilə uzadıldı
Modriç mövsümün sonunda sabiq klubuna qayıdacaq
Ronaldo 2025-ci ilin ən çox qazanan futbolçusudur - Siyahı
İsrailli azarkeşlər Avroliqa oyununa buraxılmayacaq
Asiyada ilin futbolçusu məlum oldu
"Kayrat"ın yetirməsi oyun zamanı dünyasını dəyişdi - Şəkil
DÇ-2026-ya 1 milyondan çox bilet satılıb
MOİK - "Cəbrayıl" matçında 5 qol - Video
Azərbaycan millisində isveçrəli baş məşqçi
Cordan Pikfordla yeni müqavilə imzalandı
Fatih Terim bu millini çalışdıra bilər
"Mingəçevir" 3 xalı 3 qolla qazandı - Video
İtaliya kubokunun qalibi qapıçısı ilə müqaviləni uzatd;
"Şahdağ Qusar"dan səfər qələbəsi - Video
Azərbaycan güləşçiləri dünya çempionatında iştirak edəcəklər
