«Neftçi» və «Bakı» Adamiyanın transferi məsələsində razılığa gəldi

«Neftçi» və «Bakı» Adamiyanın transferi məsələsində razılığa gəldi
PREMYER LİQA 28 Yanvar 2009 / 14:27 3876
-  A +

«Neftçi» klubu gürcüstanlı hucümçu Georgi Adamiyanın «Bakı» klubuna keçidinə razılıq verib. Qol.Az-ın məlumatına görə, hər iki tərəf arasında aparılmış danışıqlar müsbət nəticələnib.
«Bakı» klubunun baş meneceri Zeynal Məmmədov Qol.Az-ın əməkdaşıyla söhbətində Adamiyanın keçidinin hələ rəsmiləşmədiyini bildirib: «Amma bu məsələ iki-üç günə həll olunacaq». O, ikinci dövrədən etibarən Adamiyanın «Bakı»da çıxış edəcəyini vurğulayıb.
«Neftçi»nin vitse-prezidenti İlqar Quluzadə ilkin razılığa gəldiklərini təsdiqləsə də, Adamiya ilə bağlı sənədi hələ imzalamadığını bildirib.
Xatırladaq ki, «Neftçi»nin Adamiyanın transferinə görə kompensasiya kimi «Bakı»dan 200 min dollar istəməsi barədə məlumat yayılmışdı. «Bakı»nın baş meneceri Zeynal Məmmədov isə bu qədər məbləği ödəmək gücündə olmadıqlarını, qiymətin aşağı salınacağı halda «Neftçi»ylə razılığa gələ biləcəklərini demişdi.

 

Daha çox


Son xəbərlər
26.05.20  11:53

Alleqri qayıdır