“Qarabağ”ın futbolçusu Araz Abdullayev “avtoşluq” etdiyi videosunu İnstaqram hesabından paylaşıb. Burada məsələ nə onun bahalı maşınından, nə də sosial şəbəkələrdə nəsə paylaşmağından gedir. Əsas məsələyə gələk – yəni avtoxuliqanlığa. Videodan təxmin etmək çətin deyil ki, Araz bilərəkdən bu hərəkətini çəkdirir və bununla özünü reklam etdirir.
Amma daha da pisi başqadır. Araz Azərbaycan milli komandasının və ölkənin bu gün ən populyar klubu “Qarabağ”ın oyunçusudur, onu sevən və izləyən yüzlərlə gənc insan var. Araz son hərəkəti ilə bilərəkdən , ya bilməyərəkdən həmin izləyiciləri avtoxuliqanlığa təşviq edir, həm də başqa insanların həyatı ilə oynayır. Daha doğrusu, artıq oynayıb da. Bizim belə bir fikir var - insanın özünə etdiyini, el yığışsa edə bilməz. Amma bu məsələ tək onun özünü nüfuzdan salmağı ilə bitməyib, “sürət sevgisi”nin bədbəxt tarixi uzundur.
Çoxlarının yadındadır ki, Araz 2013-cü ildə, hələ 21 yaşında “Neftçi”də oynadığı vaxtlarda maşınla yüksək sürətlə hərəkət edərkən Nobel prospektində təmizlik işləri aparan iki süpürgəçi qadını vurmuş və onlardan biri ölmüş, digəri də ağır yaralanmışdı. Bütün gün yollarda alın təri ilə işləyib, evinə bir tikə çörək aparan o qadınların günahı nə idi? Taleyin acı hökmünə bax. Gənc yaşda yüzminlik maşınla kef edən, real həyatda sürətlə maşın sürməyi kompüter oyunu ilə səhv salan, pul və şöhrətdən başı havalanan futbolçunun maşının altında qalmaq!.. Dəhşətdir! Deyilənə görə, Arazın törətdiyi bu cinayəti “Neftçi”nin o vaxtkı rəhbərliyi ört-basdır edərək həbsə girməyinin qarşısını aldı. O vaxt Arazı günahlandırıb, belə fikirlər də səsləndirdilər ki, gəncdir, səhvini anlayıb, bir də avtoxuliqanlıq etməz. Amma belə görünür ki, xeyr, Arazın ağlı başına gəlməyib. Son paylaşımı bunu deməyə əsas verir.
Həmin hadisənin üzərindən 6 il keçib. İndi Arazın 27 yaşı var. Millidə oynayır, Avropada çıxış edib. Amma hələ də həyat təcrübəsi qazanmayıb. Dünən baş verənləri unudaraq yenə maşını yüksək sürətlə idarə edir. Görəsən, vicdanı sızlayırmı? Yəqin ki, yox!
2018-ci ildən “Qarabağ”ın heyətində çıxış edir. O “Qarabağ”da ki son illər davamlı uğurlu çıxışları yox, həm də formalaşdırdığı müsbət imici ilə tanınır. Amma bu imici Araz və onun kimiləri bilib-bilmədən zədələyirlər. Bir müddət əvvələdək Mahir Emreli elə həmin İnstaqramda azarkeşlərlə yersiz münaqişələr girirdi. Onun ipini tam yığıb, qurtarmadan indi Araz “fəallığa” başlayıb. Daha da pisi odur ki, Araz belə video paylaşır, Mahir Emreli isə həmin videonun altına alovlu smaylik ataraq Araza dəstək verir. Bütün bunlar isə ictimai rəydə “Qarabağ”ın futbolçularına qarşı haqlı qəzəb yaradır. Yenə yaxşı ki, komandanın kapitanı Rəşad Sadıqov Arazın səhv etdiyini görərək vaxtında qəzəbli smayliklə olsa belə, reaksiya verib. Amma buna təkcə etiraz smaylikləri ilə münasibət kifayət etmir, həm də sözlər, konkret addım da lazımdır.
Çünki “Qarabağ” kimi böyük xalq sevgisi qazanan komandanın imicini korlamağa, klubun rəhbərliyinin, məşqçi və futbolçularının illərdir çəkdiyi əziyyəti bir düşüncəsiz video ilə yerə vurmağa heç bir futbolçunun mənəvi haqqı yoxdur. Ümid edək ki, Araz özü də heç olmasa bu dəfə etdiyi məsuliyyətsizliyin fərqinə varar və medianın, azarkeşlərin diqqətini “avtoşluğu” ilə deyil, özünün yaxşı oyunu və qolları ilə cəlb edər...
Məftun RƏSULZADƏ
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu