Belə çempionatla hara gedirik?..

Belə çempionatla hara gedirik?..
ÖLKƏ FUTBOLU 21 Avqust 2019 / 14:53 7727
-  A +

Ötən həftə start götürən Azərbaycan Premyer Liqasının bu mövsümkü oyunlarına maraq da, böyük ehtimal, ötən illərdə olduğu kimi az olacaq.

Qol.az xəbər verir ki, bölgələrin futbolsuz qalması və yüksək liqadakı klubların əksəriyyətinin paytaxt Bakını təmsil etməsi səbəbindən stadionlarda tribunaların 90-95 faizi yenə boş qalır. Bunu 2019/20 mövsümü Premyer Liqanın ilk turunun rəsmi protokolları da təsdiqləyir. Hətta AFFA-nın bu protokollarında rəqəmlər müəyyən dərəcədə şişirdillsə də, bu, vəziyyətin acınacaqlı olmasının qarşısını ala bilmir. Təsəvvür edin, ilk turun 4 oyununu ümumilikdə 3200 azarkeş izləyib. Bu da hər oyuna cəmi 800 azarkeş deməkdir.

Gülməli, amma daha çox ağlamalı faktdır...

Müqayisə üçün qeyd edək ki, bu rəqəm avqustda “Qarabağ”la APOEL arasında keçirilən Çempionlar Liqası matçına gələn azarkeş sayından on dəfəyə yaxın azdır.

Ötən tur ən çox tamaşaçı “Neftçi” – “Sahah” matçında olub (1200). “Keşlə” – “Qarabağ” görüşünə stadionda 800, “Qəbələ” – “Sumqayıt”a 500, “Səbail” – “Zirə” matçına 400 tamaşaçı baxıb.

Beləliklə, bu rəqəmlər bir daha ölkədə yerli futbolun populyarlığının sürətli azaldığını təsdiqləyir. Amma təəssüf ki, neçə illərdir medianın və futbol ictimaiyyətinin haqlı narahatlığına, həyəcan təbili çalmasına baxmayaraq, AFFA bölgələrdə futbolun dirçəldilməsi istiqamətində faktiki olaraq ciddi heç bir iş görmür, region komandaları Premyer Liqaya buraxılmırlar. Bu da çempionatın səviyyəsinə ciddi zərbə vurur, futbolsuzluq səbəbindən həm də əyalətlərdə futbolçuların yetişməsi kimi böyük problemlər yaranır.

Bölgəsində komandası olmayan Premyer Liqa isə həmişə ölmüş vəziyyədə qalacaq, onun klubları və millisi isə beynəlxalq matçlarda biabırçı məğlubiyyətlərlə üzləşməkdə davam edəcək.

Daha çox


Son xəbərlər
27.03.24  21:58

Keyn sağaldı