"Evdə "Qarabağ"a qarşı fərqli oynayacağıq" - BATE-nin futbolçusu

"Evdə "Qarabağ"a qarşı fərqli oynayacağıq" -<b style="color:red"> BATE-nin futbolçusu</b>
GÜNDƏM 10 Avqust 2018 / 11:10 3327
-  A +

"Hələ heç kim PSV haqda düşünmür. Komanda şəklində addım-addım irəliləyirik".

Qol.az-ın məlumatına görə, bu sözləri Belarus mətbuatına açıqlamasında "Qarabağ"ın Çempionlar Liqasının 3-cü təsnifat mərhələsindəki rəqibi BATE-nin yarımmüdafiəçisi Stanislav Draqun deyib. Gələn həftə Borisovda keçiriləcək cavab matçı ilə bağlı fikirlərini açıqlayan 30 yaşlı futbolçu ev oyununda fərqli taktika ilə çıxış edəcəklərini bildirib:

"Açıq danışsaq, bizim elə də böyük üstünlüyümüz yoxdur. Qarşıdakı hələ Borisovda keçirəcəyimiz cavab oyunu var. Ümid edirəm ki, ev matçında həm hücumda, həm də müdafiədə bir qədər fərqli oyun nümayiş etdirəcəyik. Amma əminəm ki, Bakıda olduğu kimi, doğma meydanda da bizə çətin olacaq".

Qeyd edək ki, "Qarabağ"la BATE arasında cavab matçı avqustun 14-də Borisovda keçiriləcək və Bakı vaxtı ilə 21:00-da start götürəcək. İlk oyunda Belarus klubu minimal hesablı qələbəyə sevinib. Görüşdə yeganə qolu məhz Draqun vurub.

Xatırladaq ki, bu cütün qalibi pley-off mərhələsində son Hollandiya çempionu PSV-yə rəqib olacaq.

 

Daha çox


Son xəbərlər
17.10.18  21:15

Mane əməliyyat olundu

17.10.18  20:30

Venger qayıdır

17.10.18  18:33

Mourinyo cəzalandı

17.10.18  14:38

Gürcüstanla fərqimiz