"Qarabağ"ın baş məşqçisi Qurban Qurbanov sabah "İnter"lə keçirəcəkləri Topaz Premyer Liqanın 2-ci turunun matçından öncə jurnalistlərin suallarını cavablandırıb.
- "Qəbələ"yə məğlubiyyətdən sonra daha bir çətin rəqib olan "İnter"lə oyuna hazırlıqlar necə gedir?
- Komandada, futbolçularda gərginlik hallarının olması normaldır. Amma biz belə hallarla əvvəllər də üzləşmişik. Çalışmışıq ki, psixoloji durumu qısa müddətdə qaydasına salaq. Baxmayaraq ki, problemlərimiz var, xeyli sayda oyunçumuz matça hazır deyil. "İnter"ə qarşı oynamaq həm çətin, həm də maraqlı olub. Başda mən olmaqla, necə mübarizə aparmaq üzərində düşünmək, futbolçularla dialoq aparmaq lazım gəlir. "İnter" fərqli sistemdə oynayan rəqibdir. Ona görə də yaxşı oyun quraraq, maksimum nəticə üçün meydana çıxmağa çalışacağıq.
- Əvvəlki iki oyundan məğlubiyyət və heç-heçə ilə ayrılmısınız. Bu dəfə nə etməlisiniz ki, çatışmazlıqları aradan qaldıraraq, qalib gələsiniz?
- Futbol elə oyundur ki, qalib gəldikdə belə çatışmayan cəhətlər olur. Bəzən bunu aradan qaldıra bilirik, bəzən alınmır. Amma aydan-aya, ildən-ilə komanda öz oyun üslubunda dəyişiklik edir. Biz əvvəlki oyunlardakı çatışmazqlıqları düşünsək, "İnter" yeni oyun üslubu ortaya qoya bilər. Biz də məhz buna hazır olmalıyıq. Bir neçə variantımız var. Rəqibin qış fasiləsindən sonrakı oyunlarını analiz etmişik. Qalib gəlmək üçün oyun üslubumuzda çatışmayan cəhətləri yoluna qoymalıyıq. Sürəti artırmalı, düşünülməmiş kombinasiyaların sayını artırmalıyıq. Komanda müdafiədə olanda sürəti istər-istəməz artırmaq olmur. Amma hər halda bunun öhdəsindən gəlməli və qalib gəlmək üçün xeyli güc sərf etməliyik.
- "Qəbələ"yə məğlubiyyət komandanızda psixoloji gərginlik yaratmayıb?
- Futbolçularımız peşəkardırlar. Hər məğlubiyyətdən sonra gərginlik olacaqsa, futbolu oynamağına dəyməz. Biz futbolçularımızla birgə qarşımızdakı vəzifəni yerinə yetirməyi bacarmalıyıq. Bu gün məğlub olmuşuqsa, sabah uduzmamalı, qalib gəlməyi düşünməliyik. Sadəcə, "Niyə məğlub olduq" sualına düzgün cavab tapmalı və çatışmazlıqları aradan qaldırmalıyıq. Hələ çempionatın ortalarıdır. Bəlkə qarşıda bizi daha çox məğlubiyyət gözləyir. Bunlara hazır olmalıyıq. Məğlubiyyət bizə nə qədər təsir etsə də, hazırkı düşüncələrimiz "İnter"lə növbəti oyuna yönəlib.
- Sizcə, çempionluğun taleyini nə həll edəcək: "Qəbələ"nin daha istəkli, yoxsa "Qarabağ"ın daha təcrübəli olması?
- Belə suallar daim verilir. Düşünmürəm ki, "Qəbələ"dən istəksizik. Eləcə də digər komadalar istəksizdirlər. Hamı qalib gəlmək istəyir. Bizim istəyimiz heç kimdən heç də az deyil. Bütün komandalar bunu etmək istəyir. Biz yenidən birinci pilləyə yüksəlməyə çalışacağıq. Alınmasa, o zaman bu barədə fikir bildirəcəyik.
- Arif Daşdəmirovun durumu nə yerdədir?
- Daşdəmirov komanda ilə birgədir, sağlamdır, elə bir problemi yoxdur. Sadəcə, son oyunlarda müdafiə xəttində bəzi səbəblərdən dəyişiklik etdik. Düşünürəm ki, bu, uğurlu alındı. Hərə öz üzərinə düşən vəzifəni düzgün, doğru yerinə yetirməyə başladı. Arif bizim əsas heyət oyunçularımızdan biridir. Sabah-birisigün və ya 3 oyundan sonra onu meydanda görə bilərsiniz. Buna tam hazırdır.
- Dani Kintana ilə əlaqə saxlamısınız?
- Onunla həkimlər daim əlaqə saxlayırlar. Müalicə prosesi qaydasında, düzgün gedir. Təəssüf ki, hələ 4-5 ay bizdən uzaq olacaq, komanda ilə məşq edə bilməyəcək.
- Vüqar Nadirovla bağlı nə deyə bilərsiniz? O, son vaxtlar əvəzedici heyətdə tez-tez meydana çıxır.
- Vüqar hazırda əsas komandadadır. Təkcə Vüqarı deyil, bir neçə futbolçunu formalarını yaxşılaşdırmaq üçün əvəzedici heyətə göndəririk. Son vaxtlar Nadirovun performansı pis deyil. Yenə bizimlədir. Belə davam etsə və formasını yaxşılaşdırsa, inanıram ki, əsas komandada da meydana çıxacaq (sportnet.az).
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı
Azərbaycan kubokunda yeni rekord
"Barselona" Xavi ilə bağlı qərarı açıqladı
İtaliya kubokunda 2-ci finalçı da bilindi
"Liverpul"a çempionluq yolunda zərbə
Yurgen Kloppu Arne Slot əvəzləyə bilər