“Neftçi” Rəşad Sadiqovu yalançılıqda günahlandırdı

“Neftçi” Rəşad Sadiqovu yalançılıqda günahlandırdı
PREMYER LİQA 27 Dekabr 2008 / 16:05 4682
-  A +

“Neftçi” komandasının transferə çıxardığı Rəşad Sadiqov problemlə üzləşib. Bunu Qol.Az saytına R.Sadiqov özü deyib: “Məni “Qarabağ” klubu transfer etmək istəyir. Amma “Neftçi” rəhbərliyi məni buraxmır. Daha doğrusu, transfer vərəqini vermirlər. Onlar mənə verdikləri məbləğin hamısını geri qaytamağı tələb edirlər”.
“Neftçi”nin vitse-prezidenti İlqar Quluzadə isə Qol.Az-ın əməkdaşı ilə söhbətində deyilənləri təkzib edib: “Bizim transferə çıxardığımız futbolçularla bağlı heç bir komanda “Neftçi” rəhbərliyinə müraciət etməyib. Rəşad Sadiqova gəldikdə, əgər “Qarabağ” onu almaq arzusundadırsa, bizi müraciət etsin”.
İ.Quluzadə bildirib ki, hər bir oyunçunu transferə çıxaranda onun yeni komandası pul ödəməlidir: “Biz də pul istəyirik. Amma Rəşad yalan danışır”. İ.Quluzadənin sözlərinə görə, “Neftçi” rəhbərliyi R.Sadiqova verdiyi məbləğin hamısını istəmir: “Sadəcə, müyyən məbləği tələb edirik”.
Qeyd edək ki, “Neftçi”nin Rəşad Sadiqovla müqaviləsinin dəyərinin 200 min dollar olması barədə məlumat yayılıb. İlqar Quluzadə isə pulun 200 mindən az olduğunu deyib.

Daha çox


Son xəbərlər
28.03.24  10:55

Qrizmann qayıtdı

27.03.24  21:58

Keyn sağaldı