20:09
Zədə səbəbindən“Qəbələ”nin hazırlıqlarında iştirak etməyən Rəşad Sadiqovla Ruslan Əmircanovun problemi ciddi deyil.
Qol.Az-ın klubun saytına istinadən yaydığı xəbərə görə, Bu barədə komandanın həkim-fizioterapevti Rahim Məhərrəmov məlumat verib. O, hər iki futbolçunun tezliklə komandaya qoşulacağını bildirib. R.Məhərrəmov qeyd edib ki, fevralın 19-da keçirilən Azərbaycan Premyer Liqasının XXIII turunun “Xəzər Lənkəran”la matçının 82-ci dəqiqəsində meydana daxil olan, cəmi iki dəqiqə sonra əvəzlənmək zərurəti yaranan Sadiqovun durumu qənaətbəxşdir:
“Rəşadın əzələsi gərilmişdi. Bu da ciddi problem sayılmır. Maksimum bir həftəyə durumu tam düzələcək. Gələn həftədən yarımmüdafiəçi komandanın məşqlərinə qatıla biləcək”.
Mövsümün ilk yarısında aldığı zədədən sonra əməliyyat olunub, komandaya qayıdan Əmircanov 2015-ci ildə yalnız “Bakı” ilə oyunda meydana çıxıb. Məhərrəmov müdafiəçinin də tezliklə meydana qayıdacağını bildirib:
“Ruslan ötən ilin dekabrında Türkiyənin İstanbul şəhərindəki “Acıbadem” Fulya Xəstəxanasında diz meniskindən əməliyyat olunmuşdu. O, komandanın Antalya toplanışına da qatılmışdı. Lakin III dövrənin ilk oyunundan sonra yenidən ağrılar hiss etdi. Bu üzdən onun yenidən Türkiyəyə yollanmasını, əməliyyatı gerçəkləşdirən həkim tərəfindən təkrar müayinə edilməsini məqsədəuyğun saydıq. Artıq Əmircanovun müayinəsinin nəticələri də məlumdur. Onun da durumunda ciddi problem yoxdur. Futbolçu bu həftə ölkəmizə qayıdır. Rəşad kimi Ruslan da gələn həftədən komandanın məşqlərinə qatıla biləcək. Hər iki futbolçu martın 4-də baş tutacaq kubok matçına hazır ola bilər”.
Qeyd edək ki, “Qəbələ” fevralın 28-də Azərbaycan Premyer Liqasının XXIV turu çərçivəsində “Qarabağ”la səfərdə, martın 4-də Azərbaycan kubokunun 1/4 final mərhələsinin ilk oyununda “Simurq”la evdə qarşılaşacaq.
6 qol, 1 qırmızı vərəqə
“Qəbələ” - “Araz-Naxçıvan” matçından - Video
Məğlubiyyətdən sonra baş məqşçi mətbuat konfransına gəlmədi
"Real"ın hədəfinə düşdü
"Tottenhem" ilin ilk qələbəsini qazandı
"Bunu deyə bilmərəm, müqaviləm mövsümün sonunda başa çatır"
"Neftçi"nin baş məşqçisi və hücumçusu derbini buraxacaq
Ramalinqomun dublu, "Sumqayıt"ın qələbəsi - Video
"Barselona" liderliyini möhkəmləndirdi
"Bavariya" 7 qollu matçdan üstün ayrıldı
"Rəhbərliklə danışdıq, gənclərə şans veriləcək" - Saşa İliç
Erkən qeyd edilən çempionluğu 1 qolla əldən verdilər - Video
“Neftçi” - “Qarabağ” oyununun hakimləri açıqlandı
Həm diskvalifikasiya, həm cərimə ilə üzləşdi
“Qəbələ” - “Araz-Naxçıvan”: Heyətlər
"Ayaks"dan gedir
Baş məşqçi: "Ən azından bir salam gözləyirdim"
"Qarabağ" və "Neftçi" birgə bəyanat yaydılar
