“Qarabağ” çempionatın potensial lideri oldu

Bu gün Premyer Liqanın birinci turundan təxirə salınmış oyun başa çatdı. Qol.Az saytı “Turan”-“Qarabağ” qarşılaşmasından canlı mətn reportaj yayımladı. Lənkərana yağan güclü yağış isə "Xəzər Lənkəran" - "Bakı" qarşılaşmasının keçirilməsinə mane oldu. Matç qeyri-müəyyən tarixə təxirə salındı.

16 sentyabr (çərşənbə)

“Turan” – “Qarabağ” 1:2

Tovuz. Şəhər stadionu.

Hakimlər: Fariz Yusifov, Azad Q.Hüseynov, Munis Abdullayev, Azad Mütəllimov

AFFA nümayəndəsi: Qürbət Həsənov

Hakim-inspektor: Novil  İsmayılov   

Matç başa çatdı.

90. Hakim Fariz Yusifovun final fiti "Qarabağ"ın səfərdə "Turan" üzərindəki 2:1-lik qələbəsini rəsmləşdirir.

Son dəqiqələrdə "Turan" bütün komanda ilə irəli atılsa da, qonaqların müdafiə xətti keçilməzdi. 

86. "Qarabağ" üçüncü qolu vurmağa çox yaxın olsa da Vaqifin zərbəsi qapının üstündən keçdi.

79. Fərhad Vəliyev cinahdan ötürülən təhlükəni ötürmənin qabağını vaxtında almağı bacarır

66. "Turan" cərimə zərbəsini yerinə yetirir. Fərhad çıxışda səhvə yol versə də, müdafiəçilər topu cərimə meydanından uzaqlaşdırırlar 

62. Qool. Ayxan Abbasovun ötürməsindən sonra tovuzlu Elvin Məmmədov topu qapıya göndərir.

60. Meydanda sərt mübarizə gedir.

52. Elnur Allahverdiyev Nadir Nəbiyevə qarşı kobud oynadı. Hakim Elnuru sarı vərəqə ilə cəzalandırdı.

49. Qol. Ayxan Abbasovun ötürməsindən sonra oyuna yenicə daxil olan Vaqif Cavadov topu qapıya göndərir.

46. Vüqar Nadirovun uzaqdan zərbəsi effektli alınmır. Qapıçı yerindədir.

Rəşad Sadiqov Aslan Kərimovun, Vaqif Cavadov isə Emin İmaməliyevin  əvəzinə meydana daxil oldu.

İkinci hissə başladı.

İlk hissə başa çatdı. 

43. "Turan"ın heyətində ikinci sarı vərəqə. Muammer Erdoğdu sarı vərəqə ilə cəzalandırılır.

42. Əfran İsmayılov cərimə zərbəsini yerinə yetirdi. Tovuzlu futbolçular topu uzaqlaşdıra bildi.

34. Elvin Məmmədova qarşı kobudluq.

30. Ruslan Abbasov (Turan) sarı vərəqə ilə cəzalandırılır. 

25. Junivan Suares oyundankənar vəziyyətə düşür.

19. Vüqar Nadirovun qüvvətli zərbəsi. "Turan"ın qapıçısı Şamil Sayıdov gözəl oynayır.

17. Yevgeni Saykonun başla zərbəsi təhlükəli alındı. Fərhad Vəliyev yaxşı oynadı.

15. Zaur Həşimovun uzaqdan zərbəsi qapıdan aralı keçir.

10. Qoll. "Turan" hesabı açır. Yevgeni Sayko baş zərbəsi ilə topu qapıdan keçirir. 

7. Nadir Nəbiyev oyundan kənar vəziyyətə düşür.

5. "Qarabağ" oyunda üstün çıxış edir.

Topa ilk toxunan Tovuz futbolçuları oldu.

Matç başladı.

"Turan" - "Qarabağ" görüşünün başlaması ləngiyir.

«Хəzər-Lənkəran» – «Bakı»

Lənkəran şəhər mərkəzi stadionu.

Hakimlər: Anar Salmanov, Azər Əsgərov, Azər Məmmədov, Əfqan Həmzəyev

AFFA nümayəndəsi: Məmmədəli Məmmədov

Hakim-inspektor: Səfər Haşımov

"Xəzər-Lənkəran" - "Bakı" oyunu yenə təxirə salındı. Matçın keçirilmə tarixinə PFL qərar verəcək.

Bu dəqiqələrdə "Xəzər Lənkəran" klubunun prezidenti Mais Mənsimov komandasının futbolçularının yanına yollanır.

Matçda 15 dəqiqəlik fasilə elan olunub. Bundan sonra oyunun davam edib-etməyəcəyinə aydınlıq gələcək.

Oyun yenidən saxlanıldı. Futbolçular yenidən paltardəyişmə otağına yollandılar. Çox güman ki, matç təxirə salınacaq.

Təxminən beş dəqiqəlik müzakirələrdən sonra oyunun davam etdirilməsinə qərar verildi.

Hakimlər görüşü saxlayır. Stadionun ot örtüyü bərbad vəziyyətdə olduğundan oyunun keçirilməsi təxirə salına bilər. Futbolçular meydanı tərk edib. Hal-hazırda AFFA nümayəndəsi, komandaların kapitanları stadionun mərkəzində hakimlə müzakirə aparırlar.

Lənkəranda güclü yağış nəticəsində stadionun ot örtüyü bərbad vəziyyətə düşüb.

Matç başladı. 

TURNIR CƏDVƏLİ