Tuyqun Nadirova növbəti ittiham

Tuyqun Nadirova növbəti ittiham
ÖLKƏ FUTBOLU 25 İyul 2014 / 18:55 5484
-  A +

"FİFA və UEFA-ya şikayət etmişəm. Ancaq qərar hələ açıqlanmayıb. Nə zaman açıqlanacağını da bilmirəm. Kluba müraciət etdim, mənə "borcunu ödəcəyik" dedilər. Hələ ki, gözləyirəm". Bu sözləri Qol.Az saytına açıqlamasında "Xəzər Lənkəran"ın sabiq futbolçusu Adrian Pit deyib.

Rumın futbolçunun sözlərinə görə, "Xəzər Lənkəran"ın ona 2013-cü ilin avqust, eləcə də 2014-cü ilin mart, aprel, may və iyun ayları üzrə əmək haqqı, üstəlik, bu ilin yanvarı üçün bonus borcu qalıb.

Rumıniyalı futbolçu FİFA və UEFA etdiyi müraciətlərə hələlik cavab almadığını və "Xəzər Lənkəran"ın ona olan borcunun ödənilmədiyini deyib.



 
Adrian Pit “Xəzər Lənkəran”dan ayrılmasına görə, klubun vitse-prezidenti Tuyqun Nadirovu günahlandırıb: “Xəzər Lənkəran”da heç kəslə problemim olmayıb. Klubda qalmaq istəyirdim. Ən çox da azarkeşlər üçün oradan ayrılmağı düşünmürdüm. Ancaq Tuyqun Nadirov hər zaman mənim komandada qalmağımın əleyhinə idi. Ümumiyyətlə, “Xəzər Lənkəran”da bütün məsələləri Tuyqun Nadirov həll edir".

Qeyd edək ki, "Xəzər Lənkəran"ın komandadan ayrılan 31 yaşlı futbolçuya 2013-cü ilin avqust, eləcə də 2014-cü ilin mart, aprel, may və iyun ayları üzrə əmək haqqı, üstəlik, bu ilin yanvarı üçün bonus borcu qalıb.

Xatırladaq ki, Adrian Pit 2011-ci ildə "Universitatea Kluj" klubundan "Xəzər Lənkəran"a transfer olunub.

Daha çox


Son xəbərlər