"Qarabağ" "Metallurq"u məğlub etdi (YENİLƏNİB)

Bu gün futbol üzrə UEFA Avropa Liqasının I təsnifat mərhələsinin oyunlarına start verilib.

Qol.Az-ın məlumatına görə, Avroliqadakı təmsilçilərimizdən "Qarabağ" klubu turnirdə ilk oyununa çıxıb.

Ağdam təmsilçisi Makedoniyada "Metallurq"un qonağı olub. Üç il öncə rəqibini ümumi nəticədə 5:2 hesabı ilə keçən Qurban Qurbanovun komandası bu cütün əsas favoriti hesab olunurdu. Bakı vaxtı ilə saat 20:45-də başlayan oyun "Qarabağ"ın qələbəsi ilə başa çatıb. Reynaldonun matçın 64-cü dəqiqəsində vurduğu qol yeganə olub - 1:0.

Qeyd edək ki, bu komandalar arasında cavab oyunu iyulun 11-də, Bakıda keçiriləcək.

2 iyul

Avropa Liqası, I təsnifat mərhələsinin oyunları

20:45. "Metallurq" (Makedoniya) – "Qarabağ" (Azərbaycan) - 0:1
Qol: Reynaldo, 64 (0:1)
Baş hakim: Lars Kristoffersen (Danimarka)
Skopye. "II Filip" stadionu.

"Qarabağ": Miro Varvodiç, Maksim Medvedev, Rəşad Sadıqov, Ansi Aqolli, Admir Teli, Qara Qarayev, Riçard Almeyda, Reynaldo, Vüqar Nadirov, Muarem Muarem və Nikoloz Gelaşvili




Oyun başladı...

2. Qelaşvili zərbəsi qapıçı qaytara bildi
5. "Qarabağ" topa nəzarət edir.
9. Reynaldonun ara ötürməsinə Vüqar çata bilmir.
12. Hakim Riçard Almeydaya şifahi xəbərdarlıq edir.
14. Vüqarın uzaqdan zərbə cəhdi alınmır.
16. "Metallurq"un qapı qarşısına asması qeyri-dəqiqdir.
19. "Metallurq"un 2 nömrəli futbolçusunun zərbəsi qapının üstündən keçir.
21. Sol tərəfdə Ansi Aqolli və Reynaldo fəallığı ilə seçilir.
22. Rəşadın ara ötürməsindən sonra Reynaldo və Gelaşvili bir-birini başa düşmürlər.
23. İlk real qol vəziyyəti: Gelaşvilinin zərbəsini qapıçı çətinliklə qaytarır. Qayıdan topu isə Muarem qapıya göndərə bilmir.
25. Vüqar Nadirova qarşı kobud oyun.
29. İlk künc zərbəsini "Qarabağ" yerinə yetirir. Ancaq hücumda heç nə alınmır.
31. Ansi Aqollinin Gelaşvili çata bilmir.
33. Vüqar Nadirova qarşı kobudluq edilir. Rəqibin 7 nömrəsi sarı vərəqə ilə cəzalanır.
35. "Qarabağ"ın qapı qarşısında ilk qol vəziyyəti. Miro varvodiç zərbənin qarşını ala bilir. Künc zərbəsi.
39. Vüqarın asma zərbəsini rəqib qolkiper qapı xəttindən çıxartdı.
40. Gelaşvili yan tərəfdən Vüqar Nadirova ötürmə verir. Lakin Vüqar boş qapını nişan ala bilmir. 



İkinci hissə başladı

46. İkinci hissədə Muaremin əvəzinə Namiq Yusifov oyuna daxil olub.
46. Admir Teli hesabı aça bilərdi. Lakin alınmadı.
49. Qara Qarayev 49-cu dəqiqədə sarı vərə ilə cəzalanır.
50. Rəqib futbolçunun zərbəsi qapı tirindən qayıtdı.
51. Görüşdə açıq futbol gedir.
54. "Qarabağ" və "Metallurq" hərəsi bir real imkanından yararlana bilmədi.
58. Ansi Aqolli özü qol vəziyyəti yaratsa da, zərbəsini rəqib qapıçı tutur. 
60. Rəqibin heyətində dəyişiklik edildi. 2 nömrəli futbolçunun yerinə 20 nömrəli oyunçu Mile Krstev daxil olur.
64. Qooooollllll. Reynaldonun zərbəsindən sonra top qapı dirəyinə dəyir və tora daxil olur - 1:0.
70. "Qarabağ"ın heyətində dəyişiklik. Vüqar Nadirovun əvəzinə Murad Səttarlı meydana daxil olur.
73. Künc zərbəsini Murad Səttarlı yerinə yetirir.
84. "Qarabağ"ın heyətində növbəti dəyişiklik. Gelaşvilinin əvəzinə Leroy Corc meydana daxil olur.
87. Qara Qarayevə qarşı kobud oyun.
89. Almeydanın gözəl ötürməsini Reynaldo qapıya zərbə ilə tamamladı, ancaq top azacıq yandan keçdi.
90. Leroy Corcdan mükəmməl hərəkətlər, lakin qarşısını kobudluqla alırlar.
90. Namiq Yusifov vaxtı uzatdığı üçün sarı  vərəqə ilə cəzalanır.


Oyun başa çatdı. "Qarabağ" qələbə qazandı...