21:03
Ölkə kubokunun sahibi “Qarabağ” artıq Türkiyədədir. Dünən Bakı - İstanbul reysiylə hərəkət edən komanda axşam saatlarında Ankaradan təxminən 100 km aralıda olan Qızılcahamam qəsəbəsindəki 5 ulduzlu “Palatya” otelində məskunlaşıb. Bu dəqiqələrdə “Qarabağ” ilk məşqinə çıxacaq. Bu haqda Qol.Az-ın müxbiriylə söhbətində “Qarabağ”ın mətbuat xidmətini rəhbəri Nurlan İbrahimov məlumat verib: “Artıq 10 dəqiqədən sonra komandamız Türkiyədə ilk məşqinə çıxacaq. Bütün futbolçular komandanın düşərgəsindədirlər. Düşərgəyə yeni futbolçular da baxışa gələcəklər. Artıq bu gün iki türk oyunçu komandamızın düşərgəsində olacaq”.
***
"Qarabağ" artıq Türkiyədə ilk məşqinə çıxıb. Bir saatdan bir qədər az müddəti əhatə edən hazırlıq prosesində baş məşqçi Qurban Qurbanov futbolçuları çox "yükləməyib". Komandanın ikinci məşqi saat 17:30-da keçiriləcək. Bu arada "Qarabağ"ın düşərgəsində baxışda olan türkiyəli futbolçuların adlarını öyrənə bildik. Həmin futbolçular 1981-ci il təvəllüdlü Alirza Günəş və 1986-cı ildən olan Aydın Kuzudur. Hər iki oyunçu yrımmüdafiəçidir. Onların son klubu Türkiyənin birinci liqa təmsilçisi "Adane Demirspor" olub. Baxışda olan oyunçular artıq komanda ilə birgə səhər məşqində iştirak ediblər.
