Millimizin baş məşqçisindən qələbə şərhi

Millimizin baş məşqçisindən qələbə şərhi
ÖLKƏ FUTBOLU 30 Noyabr 2025 / 11:10 98
-  A +

Qadın futbolçulardan ibarət Azərbaycan milli komandasının baş məşqçisi Siyasət Əsgərov "FIFA Tri Nations Women’s Football Series 2025” turniri çərçivəsində Malayziya (2:0) yığmasına qarşı keçirilən oyundan sonra fikirlərini bildirib.

QOL.az xəbər verir ki, o, Banqladeşin paytaxtı Dəkkədə təşkil olunan turnirdəki ilk matçlarından sonra AFFA-nın mətbuat xidmətinə açıqlamasında deyib:

“Malayziya millisi Banqladeş yığması üzərində qələbə qazanmışdı. Bizi də məğlub etsəydilər, turnirin qalibi olacaqdılar. Bu səbəbdən matça yüksək motivasiyada hazırlaşmışdılar. Rəqibin əvvəlki bir neçə görüşünü də təhlil etmişdik. Onların müsbət və mənfi cəhətlərini bilirdik, oyun planları da eyni idi. İki fərqli hissə keçdi. İlk yarıda baxımlı qollar vurduq. Hər iki qolun üzərində məşqlər zamanı işləmişik. Fasiləyə qədər daha bir dəfə fərqlənə bilərdik. İkinci hissədə də yüz faizlik qol imkanlarımız oldu. Gənc futbolçulara özlərini göstərmək şansı yaratdıq. Düşünürəm ki, əsas çatışmazlığımız qol epizodlarından yararlana bilməməyimiz idi. Bu məqam seçmə mərhələ oyunlarında bizə çətinlik yarada bilər. Banqladeş yığması ilə qarşılaşmaya daha yaxşı hazırlaşmağa çalışacağıq”.

Qeyd edək ki, millimiz turnir çərçivəsində son oyununu dekabrın 2-də Banqladeş yığmasına qarşı keçirəcək.

Daha çox


Son xəbərlər
28.11.25  19:59

PSJ-də itki

28.11.25  19:29

Neymardan riskli qərar