Azərbaycan milli komandasının baş məşqçisi Berti Foqts ölkəmizə budəfəki səfəri zamanı bütün klubların baş məşqçiləriylə fərdi qaydada görüşlər keçirməyə başlayıb. Şübhəsiz ki, milli komandamız və bütövlükdə Azərbaycan futbolu naminə alman məşqçi və AFFA-nın təşəbbüsüylə atılan bu addımı təqdir etmək lazımdır. Hər halda Foqts müəyyən obyektiv səbəblərdən bir müddət ölkəmizdə olmadığından klublarda baş verən hadisələrdən gec xəbər tutur və bu mənada, o, milli komandanın üzvü olan və olmayan futbolçuların durumuyla bağlı birbaşa məşqçilərin özündən məlumat alır. Elə dünənki görüşləri də təkcə Foqtsun özü deyil, bütövlükdə futbolumuz üçün faydalı hesab etmək olar. Məsələn, milli komandamızın baş məşqçisiylə görüşdə «Bakı» klubunun çalışdırıcısı Coko Hacıyevski Foqtsun diqqətindən kənarda qalan və artıq futbolumuzda öz sözünü deyən beş istedadlı oyunçunun - Cəmşid Məhərrəmov, Rəfael Əmirbəyov, Elvin Əliyev, Mahmud Qurbanov və Bəxtiyar Soltanovun milli komandamıza kömək edə biləcəklərini söyləyib. Eləcə də «İnter»in baş məşqçisi Valentin Xodukin Elvin Məmmədov və Cavid Hüseynovun durumuyla bağlı baş məşqçini məlumatlandırıb. Bunlarla istər Hacıyevski, istərsə də Xodukin alman məşqçidə futbolçularla bağlı müəyyən təəssüratlar yarada bilib. Düzdür, həmin oyunçuların Rusiya ilə matçın hazırlığına çağırılıb-çağırılmaması hələ bilinməsə də, Foqtsun bu məşqçilər tərəfindən irəli sürülən təklifləri nəzərə alacağı gözləniləndir.
Məlum olduğu kimi, bu gün Foqts digər klubların baş məşqçiləriylə də görüşməliydi. Amma bu görüşlərdən ikisi baş tutmayıb. AFFA-nın rəsmi saytının məlumatına görə, Simurq» klubunun baş məşqçisi Roman Pokora üzürlü səbəbə görə görüşə gələ bilmədiyi barədə məlumat verdiyindən, onunla görüşün vaxtı dəyişdirilib. Məlumatda daha sonra deyilir: «Neftçi» klubunun baş məşqçisi Yurgen Gede isə heç bir səbəb göstərmədən görüşə gəlməyib».
Bu gün diqqət çəkən əsas məqam da məhz Gedenin bu addımıyla bağlıdır. Əslində Foqts üzərinə düşən vəzifənin məsuliyyətini dərk edərək və Gedeylə aralarındakı soyuq münasibəti bir kənara qoyaraq «Neftçi»nin baş məşqçisini görüşə çağırdı, bununla həm də alicənablığını ortaya qoydu. Foqts kin-küdurəti unudaraq bir peşəkar, milli komandaya cavabdeh olan bir şəxs kimi böyüklük edib həmyerlisi Gedeyə əl uzatdı, amma «Neftçi»nin baş məşqçisi kiçiklik edib bu əli geri qaytardı. Səbəb gün kimi aydındır: Gede hələ də kin saxlayır. Amma axı, bu məsələdə söhbət iki fərdin arasındakı soyuqluqdan getmir. Foqts milli komandaya cavabdehlik daşıyır, Gede isə «Neftçi»nin baş məşqçisidir. Bu gün əslində Foqtsla Gede yox, Azərbaycan milli komandasının baş məşqçisiylə «Neftçi»nin baş məşqçisi arasında görüş olmalıydı. Amma artıq dediyimiz kimi, Gede, daha doğrusu, Azərbaycan futbolunun flaqmanı sayılan, ölkəmiz müstəqilliyini bərpa etdikdən sonra bütün dövrlərdə milli komandamıza futbolçu verən «Neftçi»nin baş məşqçisi bu görüşə gəlmədi.
Hərçənd, gəlməliydi. Bu, onun peşə və mənəvi borcuydu. Bəs itirən kim oldu: milli komandamı, «Neftçi»mi, onun futbolçusumu? Əlbəttə, bu suallara ən doğru cavabı zaman özü verəcək. Amma indi ortada danılmaz bir həqiqət var. Azərbaycanda çalışan əcnəbi məşqçi işlədiyi ölkənin milli komandasına və onun baş məşqçisinə belə sayğısızlıq etməməliydi. Amma Gede bir incikliyə görə Azərbaycan futboluna da, milli komandamıza da, onun yüzminlərlə azarkeşinə də münasibətini açıq şəkildə ortaya qoydu.
İndi siz özünüz də deyin, Gede düzmü etdi?
Aydın BAĞIROV
"Qəbələ" "Zaqatala"nı darmadağın etdi - Video
"Barselona" və "Arsenal" onu hədəflədilər
Alba "İnter Mayami" ilə yeni müqavilə imzaladı
“Dünya çempionatında üçlüyə düşmək uğur sayılacaq”
1-ci liqanın çempionu "Qəbələ" mükafatlandırıldı - Video
"Real" İspaniya millisinin oyunçusu ilə danışıqlar aparır
Orxan Məmmədov: “Bu, “Zirə” üçün böyük uğurdur”
"Sevilya"dan ayrılacağını açıqladı
"Xoşbəxtik ki, belə bir mötəbər yarış Bakıda keçiriləcək"
Son Hın-Mini şantaj etdilər, həbs olundular
Mourinyonun Portuqaliya millisini çalışdıracağı iddia edilir
Misli Premyer Liqasının 1 oyununu yayımlayacaq kanal dəyişdi
"Bavariya" məşhur futbolçuya nə qədər maaş təklif edir?
Osimhendən tarixi rekord
Kloze Mahirin son durumunu açıqladı
"Arsenal" növbəti mövsüm bu formalarla oynayacaq - Şəkillər
"Barselona"nın futbolçusu əməliyyat olundu
La Liqanı tərk edəcək daha bir klub məlum oldu
Birinci liqaya düşən "Səbail"in aqibəti necə olacaq?
Di Stefanonun 71 illik rekordunu qırdı
“Nottingem”in futbolçusu komadan ayıldı
7 ölkə Azərbaycandakı MDB Oyunlarında iştirakını təsdiqləyib
"Qarabağ" Abubakarla danışıqlar aparırmı?
AFFA rəhbərliyi FİFA-nın Konqresində
15-ci dəfə ölkə kubokunu qazandılar
"Qəbələ" "Zaqatala"ya qarşı
İtaliya kubokunda sürpriz qalib
"Qalatasaray" Türkiyə kubokunun qalibi oldu
"Bavariya"dan "Monako"ya keçidi rəsmiləşdi
Amorim: "Buradan getmək fikrindən uzağam"
"Leyptsiq"i tərk edir
“Real” Xabi Alonsoya görə “Bayer”ə təzminat ödəyəcəkmi?
Flikin bu mövsüm “Real” üzərindəki 4 qələbəyə münasibəti
2-ci liqada 7 oyunun vaxtı açıqlandı
Türkiyə kubokunun finalından öncə dava düşdü - Şəkillər
Azərbaycan millisində çıxış etməsinə icazə vermədilər
Region Liqasında yarımfinalın ilk oyunları keçirildi
FİFA 1 milyard dollar gəlir gözləyir
Azərbaycan - Ukrayna oyunu bu arenada - Rəsmi
Skaloni: "Qalib gəlmək Messinin DNT-sində var"
“Yuventus”un yeni forması - Şəkillər