19:57
“Oyuna yaxşı hazırlaşmışdıq. Bilirdik ki, rəqibimiz güclüdür. Üstəlik, turnir cədvəlində vəziyyət elədir ki, “Araz-Naxçıvan”a bəlkə heç-heçə də sərf edirdi”.
QOL.az saytına müsahibəsində bu sözləri “Turan Tovuz”un kapitanı Şəhriyar Əliyev Misli Premyer Liqasının 15-ci turunda “Araz-Naxçıvan”a 0:1 hesabı ilə uduzduqları oyun barədə danışarkən deyib.
O, məğlubiyyəti qaçırılan qol epizodları ilə əlaqələndirib: “Ümumi götürdükdə pis oynamadıq. “Araz-Naxçıvan” bir neçə turdur ki, son dəqiqədə vurduğu qollarla qələbə qazanır. Bizimlə matçda öz şanslarını gözləyirdilər. Təəssüf ki, biz də səhvə yol verdik, qapımızda qol gördük. Belə oyunlarda 1-2 qol şansın olur. Gərək onları da dəyərləndirəsən. Dəyərləndirə bilmədiyimiz üçün uduzduq”.
Tovuz klubu çempionatda ardıcıl 4 matçdır ki, qələbə qazana bilmir. Ş.Əliyev bununla bağlı sualı da cavablandırıb. O, komandasının enişdə olduğunu düşünmür: “Deməzdim ki, komanda enişdədir. Düzdür, son 4 matçda cəmi 3 xal toplamışıq. Lakin unutmaq olmaz ki, rəqiblər də bizimlə oyuna ciddi hazırlaşırlar, analiz edirlər. Mümkün qədər qapalı oynamağa çalışırlar”.
Ş.Əliyev qeyd edib ki, hazırda bütün fikirlərini kubok oyununa yönəldiblər: “Qarşıda bizi “Sabah”la kubok oyunu gözləyir. Bu, ən ağır matçlardan biridir. Rəqib hər nə qədər güclü olsa da, mərhələ adlamaq üçün əlimizdən gələni edəcəyik. Öz meydanımızda oynayırıq. Azarkeşlərimizi sevindirməliyik”.
O, qarşıdakı 3 turda xal ehtiyatlarını artırmalı olduqlarını vurğulayıb: “Qış fasiləsinə 3 tur qalıb. Maksimum dərəcədə xallarımızı artırmalıyıq. Hazırda üçüncü pillədəyik. Artıq turnir cədvəlində digər rəqiblər də bizə yaxınlaşırlar. Əlimizdən gələni etməliyik ki, hazırkı yerimizi qoruyaq”.
Haaland üçün xüsusi oyun
"Beşiktaş”ın futbolçusu klubdan ağlayaraq ayrıldı - Video
"Neftçi"nin məşqçilər heyətinə yeni təyinatlar oldu - Rəsmi
Yamal, Haaland, Mbappe...
Ronaldonun iddialı arzusu: klubu satın almaq istəyir
"Trabzonspor" nigeriyalı futbolçu ilə anlaşdı
"Mançester Yunayted"dən "Ayaks"a keçə bilər
ÇL-nin oyunları bu topla oynanılacaq
Güləş üzrə Azərbaycan çempionatına start verildi
"Neftçi"də oynamağı çox arzulayırdım"
Millinin oyun günü ölkədə rəsmi tətil olacaq
"İmişli" hücumçusu ilə yollarını ayırdı - Rəsmi
“Qəbələ” nigeriyalı hücumçunu transfer etdi - Rəsmi
Klubların lisenziyalaşdırılması üzrə təlimlər başa çatdı
İspaniya kubokunda 1/8 finalın püşkü atıldı
"Milan"da yeni müqavilə
Ter Ştegen "Barselona"nın düşərgəsini tərk etdi
"Turan Tovuz"dan ayrılan futbolçu "Kəpəz"də - Rəsmi
Qari Onil Fransa klubunun baş məşqçisi oldu
"Araz-Naxçıvan"ın oyununun vaxtı dəyişdirildi
Mini-futbolçu faciəvi şəkildə vəfat etdi
Azərbaycanın U-21 millisi 2 yoxlama oyunu keçirəcək
