22:30
“Qarabağ”ın futbolçusu Juninyo Portuqaliyanın ojogo.pt saytına açıqlama verib.
QOL.az-ın məlumatına görə, 27 yaşlı hücumçu Ağdam təmsilçisinə transferindən, Avropa Liqasının pley-off mərhələsində “Braqa”ya qarşı keçirəcəkləri matçlardan danışıb.
O, uşaqlıq arzusunu reallaşdırmaq - Çempionlar Liqasında oynamaq üçün “Qarabağ”a gəldiyini deyib: “Mənə təqdim olunan layihəyə və uşaqlıq arzuma - Çempionlar Liqasında oynamağa görə “Qarabağ”a gəldim. Hələ Çempionlar Liqasında oynamıram, amma Avropa Liqasında mübarizə aparırıq və inkişaf mərhələsindəyik”.
Baş məşqçi Qurban Qurbanovun ideyalarına uyğun gəldiyini deyən forvard özünü bu komandada tamamlanmış hiss etdiyini vurğulayıb: “Qollar vururam, çünki komandaya və baş məşqçinin ideyalarına uyğunam. Hər şey bu əlaqədən irəli gəlir. Qısa müddətdir ki, bu ölkədəyəm. Amma ölkəyə tez uyğunlaşdım. Riçard Almeydanın uzun illərdir, burada olması işimi asanlaşdırdı. İlk vaxtlarda mənim üçün asan olmadı. Başqalarını başa düşməkdə çətinlik çəkirdim. Dil və mədəniyyətlər fərqlidir”.
Juninyo “Braqa”ya qarşı keçirəcəkləri oyunlar haqda bunları söyləyib: “Avropa Liqasındakı oyunlarımız bir xəyal idi. Bu, əvvəllər yaşadıqlarından tamamilə fərqli hislər idi. Mənim üçün inanılmaz təcrübə oldu. Biz bilirik ki, Avropada asan matç yoxdur. “Braqa” ilə görüşlər nə bizim üçün asan olacaq, nə də rəqib üçün. “Braqa” yaxşı oynamağı bacaran əla komandadır. Lakin indi biz onları düşünmürük, oyundan-oyuna irəliləmək istəyirik”.
Əlavə edək ki, Juninyo 2023-cü ilin yayından "Qarabağ"da oynayır.
Qeyd edək ki, “Qarabağ”la “Braqa” arasında ilk oyun fevralın 15-də Portuqaliyada, cavab görüşü isə fevralın 22-də Bakıda olacaq.
Buffon da istefa verdi
Qattuzo qovulacaq
Ronaldonun klubunda ciddi itkilər var
"Real" 18 yaşlı futbolçunu hədəf aldı
Süni intellektlə idarə olunacaq klub yaradılır
Ançelotti 3 futbolçu arasında qaldı
Keyn sıradan çıxdı
İntizamsızlığı ona baha başa gəldi
Millinin qapıları Danillonun üzünə bağlandı
Yapon azarkeşlər “Uembli”ni də təmizlədi - Video
Yamal dilə gəldi: "Bu, cahillikdir"
"Tottenhem"in baş məşqçisinin ilk transfer hədəfi bəlli oldu
"Çelsi"dən antirekord
Mövsüm ərzində 4-cü dəfə zədələndi
Azərbaycanı 43 boksçu təmsil edəcək
