“Neftçi”nin və milli komandanın aparıcı futbolçularından Elmar Baxşiyev sabah keçiriləcək “Bakı” - “Neftçi” matçı öncəsi Qol.Az-a müsahibə verib
- Sabahkı oyundan nə gözləyirsən?
- Maraqlı oyun olacaq. Hər halda, mən belə düşünürəm. İnanıram ki, azarkeşlər stadiona gəldiklərinə peşman olmayacaqlar.
- Əvvəlki illərlə müqayisədə “Bakı” çempionluğa oynasa da, “Neftçi” bütün iddiasını itirib. Bu amil oyundakı prinsipiallığı azaltmayacaq ki?
- Yox, mən belə düşünmürəm. Çünki “Neftçi” həmişə “Neftçi”dir. Bir də ki, “Bakı”-“Neftçi” derbiləri ilk günlərindən öz gərginliyi ilə seçilib.
- “Neftçi”nin bu oyuna lazımınca hazır olduğunu demək olar?
- Bunu sabahkı qarşılaşmadan sonra söyləmək mümkündür. Odur ki, gəlin, tələsməyək.
- Klubunuzun düşərgəsində əhval ruhiyyə necədir?
- Yüksək səviyyədə. Bu baxımdan heç bir problem yoxdur.
- “Bakı”da keçmiş komanda yoldaşların Mahmud Qurbanovla Georgi Adamiya yer alıb. Onlara qarşı oynmaq sənin üçün çətin olmayacaq?
- Məncə dediyiniz futbolçulara qarşı oynamaq çox maraqlı olacaq.
- Rəqibin heyətində ən çox çəkindiyin futbolçu kimdir?
- Biz komanda olaraq “Bakı”nın heyətində heç kimdən çəkinmirik.
- Yaxşı kimdən ehtiyat edirsən?
- Elə Mahmud Qurbanovla Georgi Adamiyanın adını çəkə bilərəm. Hər ikisi çox güclü futbolçulardır. Amma bu, o demək deyil ki, digər futbolçular zəifdirlər. “Bakı”nın heyətində yer alan futbolçular istənilən rəqibə istənilən anda təhlükə yaradacaq gücdədirlər.
- İlk dövrə ilə indiki “Neftçi”ni müqayisə etdikdə daha çox nəyin dəyişdiyini görmək olar?
- Futbolçuların.
- Bəs oyun planı baxımından? Bu arada “Standard”ı çətinliklə məğlub etdiniz.
- Bilirsiniz, ilk oyunlar həmişə ağır olur. Buna görə “Standard”la qarşılaşma bizim üçün çətin keçdi. Turlar keçdikcə kollektiv bir-birinə tam uyğunlaşacaq və bu problem də aradan qalxacaq.
- Milli komandanın son toplanışı haqqında da fikirlərini bilmək pis olmazdı.
- Çoxları deyir ki, bu toplanış bizə o qədər də lazım deyildi. Amma əksinə, mən düşünürəm ki, çox lazımlı idi. Uşaqların bir-birinə uyğunlaşması baxımından milli komandanın tez-tez bir araya gəlməsi faydalıdır.
- Rusiya ilə oyun öncəsi də müxtəlif fikirlər səslənməkdədir. Sən necə düşünürsən, Moskvadan xalla dönə bilərik?
- Niyə də yox? Bu futboldur. Futbolda isə hər şey mümkündür.
- Bunun üçün ən əsas tələb olunan faktor nədir?
- Əzmkarlıq.
- İndiki milli üzvlərindəki əzmkarlıq Rusiyadan xalla dönməyimiz üçün kifayət edəcək?
- Bunu zaman göstərəcək. Amma təlim-məşq toplanışlarında hamı var gücünü ortaya qoyurdu. Hiss olunur ki uşaqlarda istək var. Bu isə vacib oyunlar öncəsi çox vacibdir. Hər halda mən komandamıza inanıram.
- Açıqlanan son siyahıda “İnter”in gənc futbolçuları Elvin Məmmədovla Cavid Hüseynovun adları yoxdur. Səncə onlar doğrudan bu qədər zəifləyiblər?
- Adını çəkdiyiniz hər iki futbolçu öz klubunda ehtiyatda otururlar. Bu isə onların millidəki karyerasına birbaşa təsir edir. Buna görə də Foqts bu futbolçuları növbəti toplanışa çağırmadı. Mən burada başqa səbəb görmürəm.
Benzema qərarını verdi
“Yuventus”dan geridönüş
Azərbaycan millisinin üzvü: "Hədəfimiz böyükdür"
Hidayət belə dünya çempionu oldu - Video
"Liverpul"un yeni baş məşqçisi rəsmiləşdi
Hidayət Heydərov dünya çempionu oldu - Yenilənib
Əvəzedicilər Liqasında çempion oldular
Qusar" - "Lerik" oyununda 6 qol - Video
Azərbaycan liqalarında pley-off oyunlarının vaxtı bilindi
Bundesliqada mövsümün ən yaxşısı müəyyənləşdi
Ederson Amerika kubokunu buraxacaq
Bekhem Messini transfer etməklərinin səbəbini açıqladı
Xorvatiya millisinin Avro-2024 üçün heyəti açıqlandı
Azərbaycan gimnastları qızıl və gümüş medal qazandılar
"Sabah"ın daha bir komandası çempion oldu
"Neftçi" üçün əlamətdar oyun
Ali Koçdan Dursun Özbeyə cavab
"Ardada xüsusi istedad var" - Ançelotti
Region Liqasında bürünc mükafatçı müəyyənləşdi - Şəkillər