Joze Lopez:"Ən çətin oyunumuz Azərbaycana qarşı olacaq"

Joze Lopez:"Ən çətin oyunumuz Azərbaycana qarşı olacaq"
ÖLKƏ FUTBOLU 21 Fevral 2011 / 15:38 2672
-  A +

Futzal üzrə Avropa çempionatının əsas seçmə mərhələsində millimizlə eyni qrupda mübarizə aparacaq İspaniya yığmasının baş məşqçisi Joze Venansio Lopez maraqlı açıqlamaları ilə diqqət çəkib. Qol.Az-ın UEFA-nın rəsmi saytına istinadən verdiyi məlumata görə, Bakıda Azərbaycan millisi ilə oynayacaqları matça münasibət bildirən Lopez yığmamız haqda xoş sözlər deyib:

"Qrupda əsas məqsədimiz AÇ-nın final mərhələsinə vəsiqə qazanmaqdır. Lakin qrupdakı rəqiblərimizi heç də zəif hesab etmək olmaz. Azərbaycan millisi meydan sahibləri olmaqla yanaşı, ötən Avropa çempionatının da dördüncüsüdür. Onların heyətində bir neçə təcrübəli braziliyalı futzalçının çıxış etməsi də bu komandanın gücündən xəbər verir. Ona görə də, ən çətin oyunumuzun Azərbaycana qarşı olacağını düşünürəm".

Qeyd edək ki, Azərbaycan -İspaniya oyununun start fiti fevralın 27-si saat 21:00-da veriləcək.

Daha çox


Son xəbərlər