Ramin Musayev: «PFL «Qarabağ»ın Quzanlıda oynamasına razılıq verməyəcək»

Ramin Musayev: «PFL «Qarabağ»ın Quzanlıda oynamasına razılıq verməyəcək»
ÖLKƏ FUTBOLU 13 Fevral 2011 / 17:00 2865
-  A +

Peşəkar Futbol Liqasının prezidenti Ramin Musayev «Qarabağ»ın ilk «altılıq»dakı bəzi ev oyunlarını Ağdamın Quzanlı qəsəbəsi stadionunda keçirmək niyyətilə bağlı klubun vitse-prezidenti Tahir Gözəlin bu gün Qol.Az saytına verdiyi açıqlamaya münasibət bildirib.

Qol.Az saytının müxbiri ilə söhbətində R.Musayev deyib ki, rəhbəri olduğu qurum indiki halda «Qarabağ»ın Quzanlıda oynamasına razılıq verməyəcək.

«Əgər «Qarabağ» çempionatın təsnifat mərhələsində heç olmasa, beş oyunu Quzanlıda keçirsəydi, o halda bu haqda nəsə düşünmək olardı. «Qarabağ» bu mövsüm Quzanlıda bir oyun belə keçirməyib. Bundan sonra komandanın ilk «altılıq»dakı oyunlarını Quzanlıda keçirməsi isə həm düzgün anlaşılmaya bilər, həm də bizim nizamnaməmiz buna imkan vermir».

R.Musayev yeganə istisna kimi, final mərhələsində «Qarabağ»a rəqib olacaq klubların razılığı olacağı halda, «Qarabağ»ın ev oyunlarını Quzanlıda keçirilməsinə icazə veriləcəyini deyib.

 

Daha çox


Son xəbərlər
26.01.26  11:15

“100”ün şəriki

topaz banner