Rəşad Sadıqovun “Qarabağ”a transferində problem yarandı (EKSKLÜZİV)

Rəşad Sadıqovun “Qarabağ”a transferində problem yarandı (EKSKLÜZİV)
ÖLKƏ FUTBOLU 10 Fevral 2011 / 23:08 4465
-  A +

Türkiyənin “Eskişehirspor” klubunda çıxış edən Azərbaycan millisinin kapitanı Rəşad Sadıqovun “Qarabağ” komandasına keçidində problem yaranıb. Qol.Az-ın məlumatına görə, Sadıqov Dubay toplantısını başa vurduqdan sonra yığmamızı tərk edərək “Eskişehirspor”un düşərgəsinə yollanıb.

Bu axşam onun klub prezidenti Halil Ünalla görüşü olub. İlk görüş zamanı 29 yaşlı müdafiəçinin “Qarabağ”a qayıdışı məsələsində razılığa gəlinməyib. Sonradan hazırda Türkiyədə olan Ağdam klubunun direktoru Əmrah Çəlikəl də “Eskişehirspor” rəhbərliyi ilə danışıqlar aparıb. Bu danışıqlarda da tərəflər razılığa gələ bilməyiblər.

Qol.az-ın “Qarabağ”a yaxın mənbələrdən əldə etdiyi xəbərə görə, buna səbəb “Eskişehirspor” rəhbərliyinin Sadıqovun keçidi üçün külli miqdarda pul istəməsidir. Günün sonu olduğundan, “Qarabağ” rəhbərliyi və Sadıqovun özünün münasibətini öyrənmək mümkün olmayıb. Lakin məsələ hələ bitmiş sayılmır. Sabah bununla bağlı tərəflər arasında növbəti danışıqlar olacaq. Məhz bu danışıqlar nəticəsində yekun qərar veriləcək.

Qeyd edək ki, Azərbaycan çempionatında qış transfer pəncərəsi fevralın 11-də bağlanır. Bu baxımdan, Rəşad Sadıqovun “Qarabağ”a keçidi məsələsinin həlli üçün sabah son gündür.

Daha çox


Son xəbərlər