Azərbaycan - Macarıstan - 0:2 (YENİLƏNİB)

Bu gün Azərbaycan milli komandası 2011-ci ildə ilk ciddi sınağına çıxıb.  Qol.Az-ın məlumatına görə, Birləşmiş Ərəb Əmirliklərinin (BƏƏ) Dubay şəhərində təlim-məşq toplanışında olan Berti Foqtsun  komandası Macarıstan yığması ilə qarşılaşıb.

İndiyə qədər Macarıstan yığması ilə 4 dəfə görüşmüş millimiz heç vaxt qələbə qazana bilməmişdi. Almaniyalı mütəxəsis Berti Foqts da macarlara qarşı 5-ci oyunda bu uğursuzluğa son qoya bilməyib. Fərq isə onda olub ki, yığmamız bu dəfə 3 və ya 4 deyil, 2 cavabsız top buraxıb. 

9 fevral

Yoldaşlıq görüşü

21:00. Azərbaycan - Macarıstan - 0:2
Qol: Gergeli Rudolf, 38. Tamaş Haynal, 81
Baş hakim:Məhəmməd Əbd Əlkərim

Start heyətlər:
Azərbaycan: Kamran Ağayev, Rail Məlikov, Mahir Şükürov, Elnur Allahverdiyev, Vurğun Hüseynov, Rəşad Sadıqov (kap.), Aleksandr Çertoqanov, Ruslan Abışov, Rahid Əmirquliyev, Vaqif Cavadov, Murad Hüseynov

Macarıstan: Qabor Kirali, Pol Lazar, Vilmoş Vançak, Roland Yuhaş, Laçko Şolt, Zoltan Gera, Vladimir Koman, Akoş Elek, Balaş Cucak, Gergeli Rudolf, Tamaş Prişkin

Oyun başladı.

14-cü dəqiqədə millimiz ilk real qol vəziyyəti yaradır. Elnur Allahverdiyevin cərimə zərbəsinə ötürməsindən sonra top qapı tirinə dəyir. 

22-ci dəqiqədə Vurğun Hüseynovun sifətinə zərbə endirdiyi üçün Tamaş Prişkinə sarı vərəqə göstərilir.  

32-ci dəqiqədə Macarıstan yığması ən real qol vəziyyətini yaradır. Gergeli Rudolfin qüvvətli zərbəsini bu gün 25 yaşını qeyd edən Kamran Ağayev gözəl sıçrayışla dəf edir.

QOL. 37-ci dəqiqədə Macarıstan yığması hesabı açır. Millimizin cərimə meydançasına uzun ötürmədən sonra nəzarətsiz qalan Gergeli Rudolf topu tora qovuşdurur.

43-cü dəqiqədə Mahir Şükürovun 20 metrlik məsafədən zərbəsi qapının üstündən keçir.

Hakim 1 dəqiqə əlavə edir.

I hissə başa çatdı.

II hissə başladı.

46-cı dəqiqədə Murad Hüseynovu Rauf Əliyev əvəzləyir.
 
56-cı dəqiqədə millimiz daha bir real qol vəziyyəti yaradır. Ruslan Abışovun yerinə yetirdiyi cərimə zərbəsini Qabor Kirali çətinliklə qaytarır.

58-ci dəqiqədə Rauf Əliyev rəqib qapısı qarşısına ötürməyə ayaq qoya bilmir.

61-ci dəqiqədə Macarıstan millisi ikinci dəfə fərqlənmək imkanını əldən verir. Zoltan Geranın qapı qarşısına paralel ötürməsindən sonra komanda yoldaşı Atilla Tokoli top əvəzinə özü qapıdan keçir.

66-cı dəqiqədə Vaqif Cavadovun qarşısını Roland Yuhaş kobudluqla alır. Hakim Yuhaşa sarı vərəqə göstərir və cərimə zərbəsi təyin edir. Cavadovun zərbəsini qapıçı çətinliklə qaytarır.

70-ci dəqiqədə yığmamızdan növbəti dəyişiklik. Arif İsayev Aleksandr Çertoqanovu əvəzləyir.

80-ci dəqiqədə Arif İsayev sarı vərəqə alır.

QOL. 81-ci dəqiqədə Tamaş Haynal müdafiəçimizi aldadaraq uzaq məsafədən qüvvətli zərbə ilə topu qapıdan keçirir.  

84-cü dəqiqədə Cavid Hüseynov Rail Məlikovu əvəzləyir.

86-cı dəqiqədə Kamran Ağayev komandamızı 3-cü qoldan xilas edir.

Hakim ikinci hissəyə 2 dəqiqə əlavə edir.

Oyun başa çatdı.